Turkiga oo cambaareeyay weerarkii xalay Alshabaab ka geysteen Muqdisho

War qoraal ah oo ka soo baxay wasaaradda arrimaha dibadda dalka aynu walaalaha nahay ee Turkiga ayaa si adag loogu cambaareeyay weerarkii xalay maleeshiyaadka Alshabaab ka geysteen maqaaxida Luul Yamani ee degmada Xamar Jajab ee gobolka Banaadir.

“Waxaan si adag u cambaareynaynaa weerarkaas bahalnimada ah, waxaa u tacsiyeynaynaa shacabka walaalaheen ah iyo dowladda Soomaaliya,” ayaa lagu yiri bayaanka.

Turkiga ayaa sheegay in mar kale adkeynayo sida ay uga go’an tahay sii wadista garab istaaga walaalaha Soomaaliyeed dagaalka ay kula jiraan argagaxisada nabad iyo nolal diidka ah.

Afhayeenka ciidanka booliiska oo saxaafadda la hadlay ayaa sheegay in tirada dhimashada weerarkii xalay kor u dhaafayso ilaa 10 ruux oo shacabka halka dhaawaca uu marayo 30 qof.

LEAVE A REPLY

Please enter your comment!
Please enter your name here