Ugu yaraan 10 bukaan oo qabay xanuunka Covid-19 ayaa ku dhintay dab xoog leh oo qabsaday isbitaal ku yaala dalka Romania .

Dabka ayaa ka kacay sida saraakiisha caafimaadku sheegeen qeybta deg dega ee isbitaalka magaalada  Piatra Neamt halkaas oo ay ku jireen bukaano badan oo xaaladooda ay liidatay.

Irina Popa oo afhayeen u ah kooxaha gurmadka deg dega ee magaalada ayaa sheegtay in 7 qof oo kale ay ku dhaawacmeen dabka.

Irina Popa waxay tilmaantay in dadka dhintay iyo kuwa dhaawacmay ay ahaayeen bukaano karoona u jiifay marka laga reebo hal qof.

Dabka ayaa basbeeliyay labo qol oo ay ku jireen 16 bukaan oo xaalad deg deg ah ahaa kuwaas oo la liitay karoonaha.

LEAVE A REPLY

Please enter your comment!
Please enter your name here