Uhuru Kenyatta”Waa in aan Ku Guuleysanaa Dagaalka Ka Dhanka ah Argagixisada”

1415

Madaxweynaha dalka Kenya Uhuru Kenyatta oo galabta warbaahinta kala hadlay shacabka ayaa uga tacsiyeeyay xasuuqii ay maleeshiyaadka Al-shabaab 36-qof ku xasuuqeen deegaanka Koromey ee County-ga Mandera.

Madaxweynaha ayaa Yiri “ dagaalkan waa dagaal lagu soo qaaday Dalka Kenya iyo shacabkiisa,ma ahan dagaal ka dhan dowlada uu hogaamiyo xisbiga jubilee iyo hogaamiyaashiisa,waana dagaal loo baahanyahay in uu dagaalamo qof kasta oo naga mid ah”

“Dadka Keenyaanka ah waan ogahay in qof kasta oo naga mid ah uu cadaadisa dareemayo,laakiin waxaan ka codsanayaa qof kasta oo naga mid ah lama joogi waqtigii uu na qalqal galin lahaa cadawga,waxaan sidoo kale ugu baaqayaa dhamaan hogaamiyaasha in ay istaagaan oo ay ka hor tagaan cadowgan,kani waa dagaal,dagaalkaasi oo aan u baahanahy in aan si wada jir ah ugu guuleysano,waqtiyada nuucaan oo kale waa in ay midoobaan dadka Keenyaanka ah una istaagaan Kenya”Ayuu Yiri Madaxweyne Uhuru.

Madaxweynaha Kenya oo Ka Hadlayay dadka muslimiinta ah iyo diinta islaamka ayaa Yiri”Muslimiintu waa ummad shaqo badan oo nabadeed,waxaan idin weydiisanayaa in sii wadaan is-garb taaga wadaankiina iyo muwaadiniintiisa,oo aadan u joojin argagaxisada damacsan in ay diintiina islamaanka ku haleeyaan wada noolashaha dadka keenyanka ah,dhamaan dadka Kenyaanka ah wey fahansanyihiin in diinta islaamku ay tahay mid nabadeed,maxaa yeelay ilaah waa mid naxariis badan”

“Argagaxisada sheeganaya in ay magaca ilaah wax ku dilayan,ma ahan muslimiin mana ahan dad ilaah yaqaano,laakiin waa xayawaano lumiyay maskaxdooda,waxaana idiinku baaqayaa in aad joogteeysaan dhaqamada runta ah ee diinta islaamka oo ah dul qaadka iyo tix galinta dhamaan dadka,waxaana ku tiirsanahay taageeradiina ku aadan dagaalka aan kula jirno mitidiinta iyo argagaxisada”Ayuu Yiri Madaxweynaha.

Madaxweynaha ayaa sidoo kale ugu baaqay warbaahinta in ay ka fogaado waxyaabaha iska hor keeni karo ummadaha kala diimaha ah ee ku dhaqan dalka Kenya.

Madaxweynaha dalka Kenya Uhuru Kenyatta ayaa sheegay in uu warqad shaqo ka firiisi ah u soo gudbiyay taliyaha ciidanka booliska David Kimaiyo,islamarkaana uu ka aqbalay.

Madaxweyne Uhuru ayaa sidoo kale sheegay in xilka laga qaaday wasiirkii Arrimaha gudaha Joseph Ole Lenku oo mudo 20-bilood ah xilka hayay,waxana lagu bedelay Jeneraalka shaqada ka fariistay ee Joseph Nkaissery oo loo magacaabay wasiirka cusub ee arrimaha gudaha.

Madaxweyne Uhuru ayaa ugu baaqay baarlamaanka in ay baaraan wasiirkan cusub,islamarkaana ay ansaxiyaan.

Madaxweynaha dalka Kenya ayaa sidoo kale sheegay in uu baarlamaanka u qoray waraaq codsi ah oo u kaga codsanaya in ay dib u dhigaan fasaxii ay aadi lahaayen si loo dhameeyo howlo dalka quseeyo oo hor yaalo.

 

 

Did you like this? Share it:

LEAVE A REPLY

Please enter your comment!
Please enter your name here