UNHCR iyo Talyaaniga oo ku heshiiyay caawinta qaxootiga Soomaaliyeed “SAWIRRO”

Dowladda Talyaaniga iyo hay’adda UNHCR ayaa magaalada Nairob ee xarunta dalka Kenya ku kala saxiixday heshiis lacageed oo ay Talyaaniga ugu talagashay in lagu caawiyo qaxootiga ka so cararaya dalka Yemen ee  ku sugan gudaha dalka Soomaaliya.

Munaasabad kooban oo ay heshis ku kala saxiixanayeen dowladda Talyaaniga iyo hay’adda Qaxootiga u qaabilsan Qaramada Midoobay ee UNHCR ayaa waxa ka qeyb galay Safiirka Soomaaliya ee Kenya Danjire Jamaal Maxamed Xasan,qunsulka safaarada soomaaliya ee dalka Kenya Cali Maxamed Shiikh (Cali Begadi) safiirka Talyaaniga ee Soomaaliya Danjire Fabrizio Marcelli, wakiil ka socday UNHCR, wakiilka gaarka ah ee Soomaaliya u qaabilsan xaquuqda caruurta iyo tahriibayaasha Maryan Yaasiin Xaaji Yuusuf iyo mas’uuliyiin kale.

Heshiiskan ay kala saxiixdeen dowlada Taliyaaniga iyo UNHCR oo ahaa deeq lacageed oo gaareysa 1.4 milyan oo Euro ayaa loogu talo galay in lagu caawiyo dib u dejinna loogu Sameeyo qaxootiga ku sugan Soomaaliya ee ka soo qaxay dalka Yeman.

Markii uu kulanka soo idlaaday kadib ayaa waxaa Warbaahinta Qaranka la hadlay Safiirka Soomaaliya ee Kenya Dajire Jamaal Maxamed Xasan oo tilmaamay in heshiiskan uu qeyb ka yahay wax u qabashada qaxootiga Soomaaliyeed ee ka soo cararaya dalka Yemen.

“Heshiiska ay kala saxiixanayeen dowladda Talyaaniga iyo hay’adda UNCHR, sababta waxa ay ahayd hal milyan oo lacagta Euro ah, oo ay Talyaaniga ugu deeqday UNHCR, lacagta waxaa loogu talagalay in wax loogu qabto dadka ka yimid Yemen ee ka soo cararay dagaalada dalkaasi ka taagnaa, waxaana ay noqoneysa in sahay safar looga dhigo dadka doonaya in la gaarsiiyo gobollada kale ee dalka” ayuu yiri Danjire Jamaal.

IMG_0010 IMG_0013 IMG_0015 IMG_0019 IMG_0022 IMG_0029 IMG_0032 IMG_0035 IMG_0038 IMG_0039 IMG_0042 IMG_0043 IMG_0046 IMG_0048 IMG_0055 IMG_0057 IMG_0059 IMG_0061

IMG_0090 IMG_0092 IMG_0105 IMG_0106 IMG_0115 IMG_0122 IMG_0123 IMG_0131 IMG_0149 IMG_0151 IMG_0153

 

Sawir qaade:Cabdiqaadir Cali Xuseen (Koronto)

LEAVE A REPLY

Please enter your comment!
Please enter your name here