Ururka Ardayda Soomaaliyeed ee Uganda oo doortay guddoomiye cusub “SAWIRRO”

Ururka ardayda Soomaaliyeed ee Dalka Uganda ayaa doortay guddoomiye cusub oo hogaamin doona muddo sanad ah ardayda Soomaaliyeed ee Uganda Wax ka barata.

Goobta doorashada ka dhacaysay oo ay joogeen mas’uuliyiin ka socday safaaradda Soomaaliya ee Uganda oo kala ahaa Uqaybsanaha Warfaafinta Fidow Maxamuud Fiidow iyo Uqeybsanaha Waxbarashada Liibaan Xuseen Deerow ayaa waxaa ku dhawaaqay natiijada doorashada guddoomiyaha guddiga doorashada ardayda ee sanadka 2021.

Liibaan Xuseen Uqeybsanaha Waxbarashada oo ku hadlayay magaca Safaaradda Soomaaliya ee Uganda ayaa u hambalyeeyay guddoomiyaha cusub, kuna baaqay in uu si hufan u guto waajibaadka loo igmaday.

Guddoomiyaha xilka kasii dagaya Cabdimaajid Salaad ayaa Madaxda safaaradda oo uu horkacayo safiirka Soomaaliya ee Uganda Danjire Cali Maxamed Maxamuud (Cali Cagabaruur) uga mahadnaqay dadaalka iyo garab istaaga ardayda, sheegayna in safiirka la’aantiis munaasabadan qabsoonteen.

Guddoomiyaha la doortay ee ururka Ardayda Soomaaliyeed ee Uganda Xasan Muqtaar Xasan ayaa sheegay in uu ka shaqeyn doono midaynta ardayda.

Sanad walba ayey ururka ardayda Soomaaliyeed ee Uganda doortaan guddoomiye si ardayda ugu tababartaan hogaaminta suuban.