Ururka Dhagoolayaasha Qaranka Soomaaliyeed oo ka qeybgalay shirweynaha dhagoolayaasha caalamka+Sawirro

Ururka Dhagoolayaasha Qaranka Soomaaliye ee marka la soo gaabiyo lo yaqaano SONAD ayaa ka qayb galay shirkii golaha guud ee urur waynaha Dhagoolada Caalamka World Federation of the Deaf (WFD) oo lagau qabtay magaalada Istanbul, ee dalka Turkaga. Waa markii ugu horeysay taariikhda oo ay Somaaliya ka qayb gasho. Shirkaan ayaa waxaa ka qayb galay wufuud ka socoto in ka badan 132 dal oo ka kale yimid qaaradaha aduunka.

Gudoomiyaha Ururka Dhagoolayaasha qaranka Soomaaliya Abubakar Shiikh Cabdulle oo shirkaas ugu qayb galay dhagoolada Soomaaliyeed  ayaa ka hadlay shirka isaga ayaa nuux nuuxsaday sida ay muhiim u tahay in is badal dhinaca maamul ka iyo maareynta lagu sameeyo ururka Dhagoolada caalmaka si wadamada soo korayo ay fursad ugu heleen  ka qayb galka hogaaminta ururka. Waa markii ugu horeysay oo Somaaliya ka qayb gasho shirka dhagoolada caalamaka oo calanka Soomaaliya laga taaago shirwaynaha Dhagoolada aduunka.

Abubakar shiikh oo u hadlayay warbaahinta ayaa sheegay in uu aad iyo aad ugu faraxsanyahay in uu arko calankii Soomalaiyeed oo ka dhax muuqdo calamada aduunka. Abubakar ayaa yiri, “ aad iyo aad baan ugu faraxsanahay in aan arko calankeenii Soomaaliya oo ka dhax babanayo calamada aduunka. Tani waxay ka turjumeysaa in Soomaaliyea ay hore u socoto isla markaana ku soo laabaneyso kaalintii ay ku lahayd caalamka” sidoo kale Deeqo Cusmaan oo ayadana ka qayb gashay shirka ayaa sheegtay in ay aad iyo aad ugu faraxday in ay aragto soomaaliya  oo laga aqoonsaday isku taga Dhagoolada caalmaka isla markaana kaalin buuxdo ka qaadatay shirka.

Waa guul u soo hoyatay shacabka soomaaliyeed  oo ay keeneen Dhagoolada Soomalaiyeed. Dhagoolada Soomaaliyeed aya ku nool xaalada ugu xun ee ay haystato dadka cuuryaaminta ah. Dhagoolada Soomalaiyeed ma heleen daryeel xaga waxbarasho iyo shaqo. Abubakar ayaa sheegay in uu rajeynayo in guuushaan ay gaareen ay ka saacidi doonto in dowlada Soomaaliye ay wax ka qabaato dhibaatada xaga waxbarasho iyo shaqo ee heystao Dhagoolada Soomaaliyeed.   Asiga oo sidoo kale ugu baaqaday Dowlada Soomaaliyeed in ay saxiixdo Convention Rights of Persons with Disability. Soomaaliya ay ka mid ah dalalka yar  oo aanan wali saxiixin heshiiskaan oo loogu tala galay in la siiyo xuquuqda dadka aanan lexdooda lixaad dhameyn.

Muse Xasan Kadle oo ah hoghayaha Guud ururka Dhagoolayaasha qaranka Soomaaliyeed  ahna maamulaha iskuulka Dhagoolada Soomaaliyeed ee ku yaalo magalada muqdisho ayaa baaq gooni ah u direy wasaarada waxbarasha oo uu ka codsadey in ay ka saacadio sidii ay waxbarasho ugu heli laheeyeen caruurta Dhagoolada Soomaaliyeed. Sidoo kale Gudoomiyaha ku xigeenka SONAD, Cusmaan Maxamed Nuur ayaa sheegay hadii taageero ay ka heli lahayeen shacabka iyo dowlada Soomaaliyeed ay horumar wayn gaarsiiin lahayeen Dhagoolada Soomalaiyeed sid kor u qaadidada tayada waxbarasho iyo abuurid Shaqo.

1 2 3 4 5 6 7 8 9

 

LEAVE A REPLY

Please enter your comment!
Please enter your name here