Ururka Iskaashiga Islaamka oo soo dhaweeyay go’aanka Suudaan looga saaraayo liiska Dowladaha taageera  argagixisada

Xoghayaha Guud ee Ururka Iskaashiga Islaamka Dr. Yuusuf Bin Axmed Al-Cuthaymiin ayaa soo dhoweeyay hadalkii Madaxweynaha Mareykanka Donald Trump ee ku saabsanaa in dalka Suudaan laga saaraayo liiska dowladaha taageera argagixisada.

Xoghayaha ayaa tillaabadaan ku tilmaamay mid muhiim u ah mustaqbalka Suudaan, isagoo bogaadiyay dadaalada dowladda Suudaan ay ugu jirto sidii ay u soo celin leheed xiriirkii ay caalamaka la lahayd..

Xoghayaha guud ayaa sheegay in ururka iskaashiga Islaamku soo dhaweynayo go’aankaan muddada dheer la sugaayay, isagoo xaqiijiyay inay garab taagan yihiin dowladda iyo shacabka Suudaan.

Dr Yuusuf ayaa intaas ku daray inuu rajeynaayo in ka saaridda Suudaan liiska ay gogol xaar u noqon doonto in Suudaan gaarto barwaqqo, kuna soo laabto kaalintii ay ku lahayd caalamka.

W/D: Axmed Caato

LEAVE A REPLY

Please enter your comment!
Please enter your name here