Ururka Qurba-Joogta ee Caalamka oo markii ugu horeysay xafiis ka furtay Dalka Australia “Sawirro”

0
1154

Munaasabadda daah furka Faraca  Global Somalia Diaspora (GSD)  ayaa lagu qabtay magaaladda Melbourne ee Australia, waxaanna munaasabadda oo si heer sare ah loo soo agaasimay soo qaban qaabiyay Qurbojoogta Soomaaliyeed ee ku nool Dalka Australia ayna Hormuud u yihiin hogaanka GSD ee Qaaradda Australia.

Munaasabadda oo ay ka soo qeyb galeen dhamaan qeybaha kala duwan bulshadda Soomaaliyeed ee Dalkaasi ku nool  sida  haweenka,Dhalinyaradda, Culimaa’udiinka Soomaaliyeed,  iyo marti sharaf kale ayaa si weyn loogu soo dhaweeyay daah furka GSD ee Australia ,Waxaa dhamaan xubnihii munaasabadda ka hadlay ka jeediyeen hadalo ku aadan sida laga maarmaanka ay u tahay in la helo jaaliyad isku duuban kana shaqeyso Horumarka dadka Soomaaliyeed ee Caalamka ku nool iyo in laga wada qeyb qaato horumarka Dalka hada ka socda oo uu maalgashiga ugu horeeyo.

Agaasimaha Golaha Qurba Jooga Soomaaliyeed ee caalamka Cabdi Baaruud ayaa soo bandhigay muuqaal ku saabsan  waxqabadka GSD laga soo bilaabo markii la aas aasay  iyo qorshayaasha hada u degsan .

Dhamaan dadkii ka soo qeybgalay daahfurka Golaha ee Australia waxay isku wada raaceen muhiimadda bulshadda Soomaaliyeed ay u leedahay inay guntiga u xirtaan sidii Qurbojoogta Soomaaliyeed ay isaga kaashan lahaayeen waxybaabaha dhamaan ay ka midaysan yihiin ee mar kasta soo wajaha waxaana la isla gartay in tayeynta Qurbajoogta iyo kordhinta waxgalnimadooda ay tahay waxa xal u noqon kara in la  gaaro  dhamaan hadafyada  la  hiigsanayo,Waxaa marti sharaftii ka soo qeybgashay ka mid ahaa Qunsulka guud ee Wadanka Turkiga u fadhiya Australia kaasi oo isna ugu hambalyeeyay Qurbajoogta Soomaaliyeed wadajirka iyo horumarka ay ku talaabsadeen iyo sida ay mar walba ugu hawlan yihiin wax u qabashada  dalkooda hooyo.

Aus ref Aust 1 (1) main one 4 main one eight (1) main one six muhiim 2

Did you like this? Share it:

LEAVE A REPLY

Please enter your comment!
Please enter your name here