Ururka Suxufiyiinta gobalka mudug oo codsaday sii deynta Wariye Rooble (Sawirro)

Kulankaan oo ay soo qaban qaabiyeen Ururka Suxiyiinta gobalka Mudug isla markaana ahaa mid lagu codsanayay in la sii daayo ama Maxkamada caddaalada ah uu helo wariye Rooble Maxamed Dirir oo muddo ku xiran sida la sheegay dalka Jabuuti ayaa lagu qabtay magaalada Galkacyo

Kulanka oo ay ka qeyb galeen Wasiirka Wasaarada Warfaafinta Dhaqanka iyo Dalxiiska Galmudug Axmed Shire Falagle xubnaha Ururka Suxifiyiinta gobalka Mudug ee Galmudug Culuma-udiin iyo Salaadiin ayaa waxaa ugu horeyn ka hadlay Burhaan Cabdullaahi Xaashi oo ku hadlayay magaca Ururka Suxifiyiinta Qaranka Soomaaliyeed iyo gudoomiyaha Ururka Suxifiyiinta gobalka Mudug Hanad Cabdi Faarax oo ka warbixiyay ujeedka kulanka iyo sababaha keenay xariga wariye Rooble Maxamed Dirir

Gudoomiyaha Culuma-udiinka Galmudug Sheekh Muxyadiin Yuusuf Barre iyo Suldaan Cabdi Naasir Jaamac gudoomiyaha gudiga nabad galayada iyo dib uheeshisiinta gobalka Mudug ee Puntland iyo Galmudug ayaa iyaguna dhankooda ka codsaday dowlada iyo shacabka jabuuti ee aan walaalaha nahay in wariye Rooble Maxamed Dirir maxkamada caddaalada uu helo ama dib xoriyadiisa loo siiyo.

Wasiirka Wasaarada Warfaafinta Dhaqanka iyo Dalxiiska Galmudug Axmed Shire Falagle ayaa isna shegay in ka Wasaarad ahaan ay xil gaara iska saari doonaan sidii dib uu xoriyadiisa ugu heli lahaa wariye Rooble Maxamed Dirir.

LEAVE A REPLY

Please enter your comment!
Please enter your name here