Ururka Suxufiyiinta Gobollada Dhexe oo Cambaareeyay Xarigga wariyaal lagu xiray Galgaduud

0
1034

Ururka Suxufiyiinta Gobollada dhexe ee Dalka Soomaaliya ayaa wax laga Xumaado ku tilmaamay Xarigga ay Culimada Ahlusunna ugu geysteen Magaalada Dhuusamareeb Shan ka mid ah Saxafiyiinta ka howl galaysay Magaalada Dhuusamareeb ee Xarunta Gobolka Galgaduud.

Ciidamadda Culimada Ahlusunna ayaa qaadey Xalay Howlgal ay si gaara Ugu beegsanayeen wariyayaasha ka howlgala Magalada Dhuusamarreeb waxaana ay ku qabteen Howlgalkoodii xalay sadex wariye oo qaarkood laga soo dhex watay iyagoo la caweynayay Carruurtooda halka kuwa kalena laga dhex qabtay goobahoodii shaqo.

Wariyayaasha xalay Xabsiga u hoyday ayaa kala ahaa Wariye Maxamed Deeq Cabdi Maxamed oo kamid ah Wariyayaasha u shaqeeya Warbaahinta Dawladda, Wariye C/Jamaal Macallin Axmed oo ah wariye ka tirsan KalsanTV iyo Radio Bar-kulan iyo Wariye Bashiir Maxamed Salaad Bashiir Sanka) oo ahaa wakiil Wareedka Horn CableTV ee Gobolka Galgaduud.

Hawlgal kale oo kaas lamid ah oo ay saaka qaadeen Ciidamada Ahlsunna ayaa lagu Bartil maameedsaday Idaacada Codka Bartamaha oo kamid ah idaacadaha ka howlgala Magaalada Dhuusamarreeb waxaana jir dil iyo Xarig loogu gaystay qaar kamid ah wariyayaashii warbaahintaasi Madaxa banaan ee Codka Bartamaha.

Wariyayaasha halkaasi laga watey saakay ee iyagana la xiray Waxaa kamid ah wariye  C/laahi Warsame Rooble oo u shaqeeya Idaacadda Codka Bartamaha ahna wakiil wareedka Radio Kulmiye ee Magaalada Muqdisho iyo wariye Laylo Nuur Cilmi oo iyaduna ah wariye ka tirsan warbaahinta Codka Bartamaha ee magaalada Dhuusamarreeb.

Weerarkaan ay Maamulka Ahlusunna ku qaadeen wariyayaasha ayaa Yimid kaddib markii Warbaahinta iyo wariyayaasha ku sugan  Deegaannnada ay maamulaan ay ka biya diideen Sharci Cusub oo ay soo saareen Maamulka Ahlusunna kaasi oo loo soo bandhigay maamulka iyo wariyayaasha Warbaahinta ka howlgasha Deegaannadaasi oo lagu yiri aqbala oo Saxiixa, waxaana Wariyayaashu  ay codsadeen in inta aan la soo bandhigin ay habooneed in lagala tashodo si wax looga badalo ama wax lagu wada heshiiyay uu noqodo sharciga Cusub ay keeneen Ahlusunna, Sharcigaan ayaa ah mid gabi ahaanba Ka hor imaanaya Saxaafadda xorta ah iyo Xaquuqda madaxa banana ee uu Wariyuhu leeyahay.

Bishii may ee Sanadkaan ayaa ahlusunna waxay sidoo kale ay Xirtay Radio Galgaduud xaruntiisa Magaalada Guriceel 18/ May 2015 kaasii oo xinraa mudo 13 cesha ah waxaana sidoo kale ay Ahlusunna mudo 48.saac ay xabsiga dhigeen Agaasime ku Xigeenka Radio Galgaduud C/qaadir Guure Maalin ka hor Xiritaankii Radio Galgaduud 17/ May 2015.

Did you like this? Share it:

LEAVE A REPLY

Please enter your comment!
Please enter your name here