Uruurka  Marwo oo deeq lacag ah ku wareejiyay haweeney xanuunsan “SAWIRRO”

Uruurka  Marwo oo ah urur ka shaqeeya daryeelka carruurta iyo haweenka ayaa maanta  kalmo lacageed gaarsiiyay Haweeney lagu magacaabo Madiino Abuukar Sheekh oo ku jirta isbitaalka DEVA.

Ururka Marwo oo ah urur  ka shaqeeya daryeelka Hooyada iyo carruurta ayaa maanta deeq lacageed ku wareejiyay Madiina Abuukar Sheekh oo ah hoyo ku xanuunsaneysa isbitaalka DEVA ee magaalada Muqdisho, oo lagu yeeshay lacagtii ay ku jiifta isbitaalka, iyadoo Ururka Marwo uu maamulka isbitaalka ka codsaday in loo kordhiyo muddada ay jiifeyso isbitaalka, si loo xaqiijiyo xaaladeeda caafimaad.

Dhibane Madiina Abuukar Sheekh oo ka wanaagsan sidii hore oo ay xaaladeeda caafimaad ahayd markii la dhigayay isbitaalka ayaa uga mahadcelisay Ururka Marwo gurmad ay u fidiyeen

Guddoomiyaha Ururka Marwo Nashaad Bashiir Axmed oo lacagta hooyo Madiino ku wareejisay ay ahayd shan boqol oo doorla Mareykanka ah ayaa ka codsaday guud ahaan shacabka Soomaaliyeed inay ilgaar ah ku eegaan bukaannada ku jira qaar ka mid ah isbitaalada Muqdisho, waxaana ay intaa ku dartay in wixii kareenkooda ah ay ku tabarucayaan hooyo Madiino

Ururka Marwo oo ah urur ay ku mideysanyihiin gabdho Soomaaliyeed ayaa ka mid ah ururrada u dhaqdhaqaaqa daryeelka carruurta iyo haweenka, iyagoo 18-kii bishan kaalmo tan la mid ah gaarsiiyay Hooyo Madiino iyo Maryan Xasan Xiireey oo ay xilligaas ku booqdeen isbitaalka DEVA.

IMG_0565 IMG_0568 IMG_0571 IMG_0574 IMG_0585 IMG_0587 IMG_0589 IMG_0598 IMG_0600 IMG_0602 IMG_0605

Sawir Qaade:- Maxamed Cabdullaahi Maxamed