Waalidiin codsaday in gurmad caafimaad loo fidiyo gabar ay dhaleen oo xanuunsan

0
898

Waalidiinta dhalay gabar yar oo ka xanuunsan xubinta taranka oo xaaladeeda caafimaad wax looga qaban waayay gudaha dalka ayaa ka codsaday dawladda Federaalka ah iyo qaybaha bulshada in loo fidiyo gurmad caafimaadka oo dibada ah.

Maamulka degmada iyo kan gobolka Shabeelaha Dhexe ayaa booqday xaafadda ay ku dhalatay gaban yar oo aan lahayn halka ay ka saxarooto, kuwaasi oo warbixin ka dhageystay ehelada gabadha.

Waalidiinta gabadha yar dhalay ayaa ka codsaday dowladda iyo hay’adaha caafimaadka qaabilsan in gurmad caafimaad oo deg deg ah la soo gaaraan.

Guddoomiye ku-xigeenka degmada Jowhar Xasan Barrow Bocor ayaa sheegay in kan maamul ahaan lagu soo wargeliyay arrinta, waxaana uu intaa ku daray in gabadha ay u qorsheeyeen in qoyska ay u amba bixiyaan caasimadda oo ay u raadiyaan dhaqaatiir arrimahan wax ka qaban karta.

Guddoomiye ku-xigeenka dhanka siyaasada iyo amniga Gobolka Shabeelaha Dhexe Axmed Meyre Makaran ayaa sheegay inay la xiriireen hay’ado kala duwan, isla markaana wixii awoodooda ah ay qoyskaasi la garab taaganyihiin, ayna ka codsadanaan hay’adaha kale ee wax ka qaban kara in gurmad loo fidiyo qoyska u dhalatay gabadhan dhiban ee aan lahayn meel ay ka saxarooto.

 

 

Did you like this? Share it:

LEAVE A REPLY

Please enter your comment!
Please enter your name here