Waalidiin codsaday in xoriyadooda ay dib u helaaan dhalinyaro ku dhibaateysan xabsi ku yaala India

Dhallinayaradan oo tiradooda gaarayso 120 ayaa waxaa ay ku jiraan Xabsi ku yaala Wadanka Hindiya oo lagu eedeeyay fal burcad badeednimo ah, kuwaasi oo laga qabtay xeebaha dalka ayaa qaarka mid ah ehelada dhalinyaradan ay dowladda ka codsadeen in xabsiga la sii daayo.

Mid ka mid ah ehelada dadkooda ay ku xiranyihiin Wadankaasi ayaa tilmaamay in wiilasha loo heysto falal burcad badeed ah, waxaana uu intaa ku daray inay ku suganyihiin xaalado adag oo xagga nolosha ah.

“Wiilka muddo labo sano ah ayaan weynay, markii dambe ayaa ogaanay in isaga iyo 28 kale oo dhalinyaro ah lala qabtay xilli ay ku sugnaayeen xeebaha Soomaaliya, mana ku ogeyn in wiilkeena uu burcad badeedda ku jiray” ayuu yiri wiilka lahadlay Radio Muqdisho.

Dhallinayaradaa waxaa hada ku haysta gudaha   xabsiga dhibaatooyin kala duwan ayadoo gudaha xabsiga ay ku xanuunsanayaan inta la ogyahay afar, waxaana uu dowladda ka codsaday inay gacan ka geysato sidii loo sii deyn lahaa.

Mid ka mid ah ehelada oo hadalkiisa sii wata “Nolol adag ayay ku jiraan, marka waxaan dowladda ka codsaneynaa in xabsiga laga sii daayo, mid ka mid ah wiilasha ayaa xabsiga ku dhintay, markii u asiibay cudurka malaariyada, hadana waxa cudurka duumada qaba labo wiil kale oo ku xanuunsan xabsiga ku yaalla dalka India”

Dhallinyaradaan ayaa la soo taagay Maxkamad ku taala Wadanka India, waxaana wararka ay sheegayaan in markii ay waayeen qareen udooda   xabsiga lagu celiyay.

Dawladda Soomaaliya ayaa looga fadhiyaa inay ka jawaabto dhibaatooyinka dhallinyaradaasi ku haysata xabsiyada wadanka Hindiya

 

LEAVE A REPLY

Please enter your comment!
Please enter your name here