Waalidiin dhalay carruur ku dhimatay barkad biyo lacaga cabo oo codsaday in la caawiyo

Waalidiin dhalay carruur ku dhimatay Tuulo lagu magacaabo Jiira Madoow oo qiyaastii 18KM dhinaca Koofur Galbeed ka xigta Demaga Caabduwaaq ee Gobalka Galgaduud ayaa codsaday in kaalmo beni’aaddanimo lala soo gaaro, kadib markii afar carruur ah ay ku dhinteen Barkad ay biyo ka buuxaan oo dadka iyo duunyada ay biyaha ka cabaan.

Jaamac Shire Geele Bulxan oo dhalay mid ka mid ah afarta carruurta ah ee ku dhintay barkadda oo la hadlay Radio Muqdisho ayaa sheegay in barkadda ay ahayd mid ay biyo ka buuxaan, isla markaana carruurta biyaha ku dhimatay ay ugu weyneyd gabar 12 jir ah.

“Aniga gabar 12 jir ayaa iiga dhimatay baraagta, 3-da kale waa ay ka yaraayeen gabadheyda, runtii waa Qaddar Alle, baraagtu afar mitir ayay hoos u qodantahay, mana jirin albaab oo dadka iyo dugaagta ka celiya baraagta, waxayna ahayd mid buuxdo” ayuu yiri Jaamac oo ah aabaha dhalay mid ka mid ha afarta carruurta ah ee barkadda ku dhimatay.

Jaamac Shire Geele Bulxan waxa uu tilmaamay in aabaha dhalay saddexda kale uu miir daboolmay markii uu arkay carruurtiisa oo biyaha ku dhintay, waxaana uu intaa ku daray in haatan uu heysto labo carruur ah oo kaliya.

LEAVE A REPLY

Please enter your comment!
Please enter your name here