Waaxda Socdaalka xafiiskeedii Cadaado oo dib loo hawlgaliyay “SAWIRRO”

2156

Munaasabadan lagu daah-furayay  dib u howlgalinta Waaxda Socdaalka iyo Jinsiyada  xafiiskeeda Cadaado,  ayaa waxaa ka soo qeybgalay mas’uuliyiin ka tirsan Maamulka Ximan iyo Xeeb, ururada bulshada Mudug iyo Galgaduud qaarkood iyo marti sharaf kale.

Madaxa Xafiiska Baasaboorada Maxamed Xuseen Cabdi ayaa sheegay in xafiiskan markii ugu horaysay Cadaado laga furay bishii August 2012-dii, balse dib u habayn guud oo lagu sameeyay xafiiska dhexe oo hakad keentay kaddib maanta ay shaqadoodii markale dib u bilaabayaan.

Bulshada deegaanka qaarkood oo halkaas ka hadlay ayaa sheegay inay aad u soo dhawaynayaan adeegga xafiiskan iyo dib u howlgelinta markale lagu sameeyay.

Madaxwaynaha Ximan iyo Xeeb Cabdulalahi Cali Maxamed Baarleex oo xafiiskan xariga ka jaray ayaa sheegay inay muhiim tahay in laga taxadaro dadka Baasaboorada qaadanaya.

Dib u hawlgalinta Xafiiska socdaalka ayaa ku soo aadaya xilli magaalada Cadaado uu ka socdo shirka maamul u samaynta Mudug iyo Galgaduud oo bulsho badan ay u baahanyihiin adeegga xafiiskan.

DSC03855 DSC03854 DSC03853 DSC03852 DSC03848 DSC03855 DSC03840

Maxamuud Cabdi Diirshe (Cadaado)

 

Did you like this? Share it:

LEAVE A REPLY

Please enter your comment!
Please enter your name here