Wadahadalo ku saabsan Nukliyeerka Iiraan oo maanta ka furmay Vienna

Dhinacyadii ka qeyb galay heshiiska Nukliyeerka ee sanadkii 2015 lagu gaaray caasimada Austria una dhaxeeyay Iiraan iyo kooxda (5 + 1) oo kala ah Mareykanka, Ruushka, Shiinaha, Ingiriiska iyo Faransiiska oo lagu daro Jarmalka, ayaa ku kulmi doona Vienna maanta oo Talaado ah.

Ka bixitaankii Washington heshiiskan kadib waxaa looga yeeray kooxdan (4 + 1) waxii ka danbeeyay sanadkii 2018, xiligaas oo Mareykanka xukumaayay Donald Trump,  kaa oo ka Biyo diiday qeyba kamid ah heshiiska.

laba koox oo khubaro ah ayaa si isku mid ah diiradda u saari doona fududeeynta cunaqabateynta Mareykan  uu saaray Iiraan ah oo dhinac ah, iyo waxii ka suura galay ballanqaadyadii Nukliyeerka ee Iiraan oo dhinac kale ah, sida lagu sheegay war ay baahisay Wakaaladda wararka ee AFP, oo u soo xigatay saraakiil sare oo ka tirsan Midowga Yurub.

Xaaladda wada hadalada oo u muuqda kuwa isbadal ayaa hiigsanaya in Washington iyo Dahraan, ay ku noqdaan ballanqaadyadoodii hore si loo helo miro dhalka kulanka, inkasta oo ay dhici karto in wax laga badallo  go’aandii hore.

Sida lagu sheegay warbixin uu qoray Wargeeyska Wall Street Journal maamulka cusub ee Mareykanka ayaa  sheegay in uu diyaar u yahay  dib u soo nooleeynta heshiiskii 2015, si uu u noqda bar bilow.  wallaw  markii hore Madaxweyne Joe Biden uu shaaca ka qaaday inuu damacsan yahay in Iiraan xayiraad dheeri ah la saaro.

Robert Einhorn, oo ah Sargaal sare oo hore uga tirsanaan Waaxda Arimaha Dibada ee Mareykanka, ayaa yiri: “Mareykanka iyo Iiraan shaki badan ayaay kala muujinayaan, sidaa darteed waxay ku laaban doonaan heshiiskii hore, in kastoo labada dalba ay taageersan yihiin soo nooleynta heshiiskan”.

Guud ahaan wadahadalada oo aanan si sax ah loo xusin yoolka ay ka leeyahiin labada dhinac, ayaa maanta ka furmaya Vienna, iyada oo ay ka qeyb galayaan dalal dhawr ah.

LEAVE A REPLY

Please enter your comment!
Please enter your name here