Waddooyinkii ku xirmay roobadkii ka da’ay Beladweyne oo dib u dayactir lagu bilaabay

866

Qeybaha bushada ku dhaqan magaalada Beladweyne ayaa bilaabay in ay dib u dayactiraan waddooyinkii ku xirmay roobabkii dhawaan ka da’ay magaalada  Beladweyne , meelaha ay ka socdaan howlahaasi dayactirka ah ayaa waxaa ka mid ah Xaafadda Xaawo Taako, ayadoo ay ka qeyb qaadanayaan qeybaha kala duwan ee bulshada.

Xaamud  Cali Wehiliye waxa uu ka mid yahay  waxgaradka ku howlanb sidii bulshada loogu dhiiro gelin lahaa nadaafada deegaanka ayaa sheegay in ay bulshadu garwaaqsatay in ay dib u dayactiraan  waddooyinka muhiimka ah oo ay ka mid tahay wadada ay hada dayac tirayaan

“Dhamaan bulshadii oo dhan ayaa umidowday in aan dayactirno wadadaan quraankana waan aqrisanay  marka ugu horeyso wadadaan sida looga waramay  waxa waaye wado  isku xirta Buula Burte  iyo tuulooyin hoosyimaada  mar hadii uu roobyimaado  ama biyo baxi timaadane  weey go’aysaa marka maamulka gobolka iyo degmada in ay naga caawiyaan arrintan ayaan codsaneynaa” ayuu yiri Xaamud.

Guddomiye ku-xigenka maamulka gobolka Hiiraan ee arrimaha bulshada  Sheekh Xuseen Cismaan Cali  ayaa  ku dhiirogeliyay  bulshada in ay sii wadaan  iskaashiga iskaa wax u qabso ah.

“Waxaa shafaraf weyn inoo ah qaar kamid ah bulshadeena  oo ku dhaqan Xaafada Xaawo Taako in ay bilaabaan howshan  kadib markii ay ila soo xariireen oo ay ii sheegeen in ay wadaan howshan balaaran wadadan waa wado isku xirta Buula Burte iyo Tuulooyinka hoos yimaada, marka waxaad moodaa in ay bulshadii is abaabuleyso taasna  idaacadaha waan ka sheegnay  in barnamijyo wacyigelin ah la sameeyo   si wax qabadka bulshada uga yimaado,  intaan hay’adaha la gaarin intaan dowlad lagaarin  waaa in bushada lagu dheeri giliyaa in ay wax qabsan karaan.

 

Did you like this? Share it:

LEAVE A REPLY

Please enter your comment!
Please enter your name here