Wafdi ay horkaceysa Wasiirka Caafimaadka XFS oo kulama la qaatay Masuulyiinta Wasaaradda Caafimaadka Suudaan

0
843
Wafdigan oo ay horkaceysa Wasiirka Caafimaadka Dowladda Soomaaliya Drs Fowsiyo Abiikar Nuur oo martiqaad rasmi ah ka heshay dhigeeda Dalka Suudaan Baxrri Abul Qardah ayaa kulan laba geesood ah islamarkaana la isaga kaashanayo qaabkii wada shaqayen rasmi ah u dhaxmari laheed labada wasaaradood la yeeshay madaxda Wasaaradda Caafimaad ee Dowladda Suudaan, waxeyna sido kale kulanka ugu wada hadleen sidii heshiisyo horay u wada galeen labada Wasaaradood loo dhaqan galin lahaa.

Sidokale Wasiirka Caafimaadka ayaa kulmao kala duwan la qaadatay howl wadeenada Wasaaradda Caafimaadka ee Dowaladda Suudaan iyadoo soo eegtay habka ay u shaqeyso Wasaaradaasi waxeyna sido kale booqatay xarumaha daawooyinka lagu sameeyo iyo Shirkado daawooyinka soo saara oo gaar loo leeyahay.

Dhanka kale Wafdiga ay horkaceysa Wasiirka Caafimaadka ee Dowladda Fedaraalka Soomaaliya Drs Fowsiya Abiikar Nuur ayaa booqasho kal duwan ku tagay Isbitaalada Royal Care, iyo Al-mucalim oo ay ku jiraan qaar kamid ah bukaanadii ku soo waxyeeloobay Qaraxii 14-kii October ee sanadkii tagay ka dhacay isgoyska Zoobe, Wasiirka Caafimaadka oo la hadleysay Warbaahinta Qaranka ayaa u Mahadcelisay dhamaan dhaqaatiirtii la tacaalayay bukaanadaani kala duwan iyo sidoo kale Jaaliyadda Soomaaliyeed ee Dalka Suudaan oo iyagana xil gaar ah iska saaray sidii ay u garab istaagi lahaayeen Walaalahood.

Waa markii ugu horeesay oo ay soo gaarto Dalka Suudaan Drs Fowsiya Abiikar Nuur Wasiirka Caafimaadka Dowladda federaalka Soomaaliya tan iyo markii loo magacaabay xilkan iyadoo lagu wado gabagabada booqashadeeda in ay heshiis wax wada qabsi ah wada saxiixdaan labada Wasaaradood.

Did you like this? Share it:

LEAVE A REPLY

Please enter your comment!
Please enter your name here