Wafdi Horudhac U Ah Wufuud Ka Qeyb galeysa Shir Dib U Heshiisiin Ah Oo Beledweyne Gaaray “SAWIRRO”

0
2271

Wafdigani oo isugu jira Xildhibaanno,siyaasiyiin,aqoonyahano,waxgarad,iyo Odayaal dhaqameedyo ka yimid magaalada Muqdisho ayaa soo gaaray magaalada Beledweyne ee xarunta gobolka Hiiraan, iyadoo wafdiga uu horudhac uu u yahay wufuud kale duwan oo maalmaha soo socda soo gaari doono magaalada kuwaasi oo ka qeyb gali doono shir dib u heshiisiin ah islamarkaana aayaha gobolka looga hadlayo, waxaana wafdigaasi ee uu hogaaminayay Xildhibaan Abuukaate Daahir Xasan Cabdi ku soo dhaweeyay garoonka diyaaradaha Ugaas Khaliif ee magaaladaasi.

Shirka oo la filayo in dhawaan uu ka furmo magaalada Beledweyne ee xarunta gobolka Hiiraan ayaa waxaa ka qeyb galaya qeybaha kale duwan ee bulshada gobolka, waxaana diiradda lagu saari doono dib u heshiin dhex marta beelaha wada daga Hiiraan, iyo ka hadalka aayaha gobolka Hiiraan.

Odayaasha dhaqanka ee soo gaaray magaalada Beledweyne ayaa ka hadlay dareenkooda ku aadan ka qeyb galka shirka, iyagoo sheegay in shirkani uu ku soo aaday xiligii loo baahnaa in ay aayahooda ay ka tashadaan dadka reer Hiiraan, waxaana shirka ay ka rajeeyeen in uu ka soo baxo waxyaaba mira dhal u ah dadka Soomaaliyeed.

Tawane Sabriye oo ah aqoonyahan Soomaaliyeed oo qurbo joog ah islamarkaana qeybta ka ah wafdigii maanta soo gaaray magaalada Beledweyne ee Xarunta gobolka Hiiraan oo warbaahinta Qaranka la hadlay ayaa muujiyay sida loogu baahanyahay in bulshada gacmaha ay isqabsadaan oo ay ka tashtaan aayahooda.

Prof Axmed Muumin Warfaa oo ah aqoonyahan Soomaaliyeed marna isku soo sharaxay xilka madaxtinimo ee dalka oo isna qeyb ka ahaa wafdiga ayaa ku booriyay in ay dar dargaliyaan xoojinta midnimada iyo ka shaqeynta horumarinta aayaha gobolka, wuxuuna jaaliyadda Soomaaliyeed ee reer Hiiraan uu ka codsaday in ay taageeraan howlahani kana soo qeyb galaan shirka.

Guddoomiyaha Gobolka Hiiraan C/fitaax Xasan Afrax ayaa tilmaamay in uu aad ugu faraxsanyahay wafdigani in uu ku soo dhaweeyo Magaalada Beledweyne, isagoo u sheegay in ay yihiin kuwii lahaa talada lagu horumarinayo gobolka loona baahanyahay in si dhab ah looga shaqeeyo arrintaasi oo mudnaan gaar ah u leh dadka Soomaaliyeed gaar ahaan dadka wada daga gobolka.

Xildhibaan Abuukaate Daahir Xasan Cabdi ayaa isna sheegay in shirkani uu ku soo aaday xiligii loo baahnaa in ay aayahooda ka tashadaan dadka reer Hiiraan, waxuuna shirka uu ka rajeeyay in uu ka soo baxo waxyaaba mira dhal u ah dadka Soomaaliyeed.

vlcsnap-2015-03-28-21h56m13s242 vlcsnap-2015-03-28-21h54m25s180 vlcsnap-2015-03-28-21h54m29s221 vlcsnap-2015-03-28-21h54m57s252 vlcsnap-2015-03-28-21h55m38s148 vlcsnap-2015-03-28-21h55m41s180 vlcsnap-2015-03-28-21h55m45s215 vlcsnap-2015-03-28-21h56m13s242 vlcsnap-2015-03-28-21h56m33s187 vlcsnap-2015-03-28-21h57m07s18 vlcsnap-2015-03-28-21h58m20s226 vlcsnap-2015-03-28-21h58m41s182 vlcsnap-2015-03-28-21h59m02s134 vlcsnap-2015-03-28-22h01m08s47 vlcsnap-2015-03-28-22h01m25s242 vlcsnap-2015-03-28-22h01m45s227 vlcsnap-2015-03-28-22h01m53s57 vlcsnap-2015-03-28-22h02m03s158 vlcsnap-2015-03-28-22h02m09s221 vlcsnap-2015-03-28-22h02m17s39 vlcsnap-2015-03-28-22h02m23s101 vlcsnap-2015-03-28-22h02m29s157 vlcsnap-2015-03-28-22h02m35s224 vlcsnap-2015-03-28-22h02m43s43 vlcsnap-2015-03-28-22h02m49s100 vlcsnap-2015-03-28-22h02m57s187

Mustaf Xuseen Cabdulle (Hiiraan)

Did you like this? Share it:

LEAVE A REPLY

Please enter your comment!
Please enter your name here