Wafdi ka socda Dowladda federaalka ah oo si diiran loogu soo dhaweeyay degmada Dhuusa mareeb{SAWIRRO}

2332

Wafdi balaaran oo uu hogaaminayo wasiiru dowlaha xafiiska ra,iisul wasaaraha Somalia Cabdi Raxmaan Kulmiye Xersi uuna sidoo kale ka mid yahay danjiraha dowladda Soomaaliya u fadhiya dalka Ethiopia Mudane Axmed Cabdi Salaan Xaaji Aadan ayaa waxaa si diiran loogu soo dhaweeyay magaalada Dhuusa mareeb ee xarunta gobolka Galgaduud halkaa oo uu maanta gaaray wafdigaasi.

Wafdiga ayaa waxaa munaasbaad soo dhaweyn ah loogu sameeyay wafdiga xaruntii dhawaan uu ku soo idlaaday shirkii dib u heshiisiinta beelaha daga gobolada Mudug iyo Galgaduud oo ku taala magaalada Dhuusa mareeb iyadoo ay ka qayb galeen mas,uuliyiinta maamulka gobolka iyo odayaasha dhaqanka eee ka qayb galay shirkii halkaa ku soo idlaaday dhawaan.

Gudoomiyaha degmada Dhuusa mareeb Macalin Cabdi raxmaan Cali Geeda qorow waxaana uu sheegay in si weyn uu ugu soo dhaweynayo magaalada wafdiga dowladda Soomaaliya ka socda ee halkaa gaaray.

“waxaan rabaa walaalayaal anigoo ku hadlay codkeyga iyo codka dadka dagan magaaladaan ku soo dhawaada niyad san iyo gacmo furan waxay noo tahay farxad in aad na soo booqataan dadkaani waa dad samaha jecel diyaarna idiin ah”ayuu yiri gudoomiyuhu.

Gudoomiyaha gobolka Galgaduud ee dowladda Soomaaliya mudane Xuseen Cali Wehliye Cirfo oo ka hadlay munaasbaadaas lagu soo dhaweynayay wafdiga gaaray Dhuusa mareeeb ayaa waxaa uu sheeegay in bulshada ku dhaqan gobolada Mudug iyo galgaduud iyaga oo isku duuban ay soo dhaweynayaan wafdiga halkaa gaaray ayna qayb ka yihiin wafuud dowladda Federaalka ah ka socota oo dhawaanahaanba gobolka gaarayay.

Ugu dambeyn waxaa ka hadlay munaasabada danjiraha Soomalaiya u fadhiya dalka Ethiopia mudane Axmed Cabdi salaan Xaaji Aadan oo uga mahad naqay bulshada soo dhaweysay isaga iyo mas,uuliyiinta kaleba sida qiimaha badan ee ay magaalada ugu soo dhaweeyeen waxaana uu sheegay in sababta uu gobolka u tagay ay tahay in la dar dar galiyo howlaha maamul u sameynta goboladaas ee ka socda gobolka.

“Runtii anigu gobolka horana waan u imid hadana waxaan u imid in aan adinka idin dhageesto wax badana idinka barto waxaan rabaa in aan howshii aad wadeen gacan sii siiyo siina xoojiyo shaqadii socotay”ayuu yiri danjiruhu.

1 2 3 4 5

Did you like this? Share it:

LEAVE A REPLY

Please enter your comment!
Please enter your name here