Wafdi ka socda Hay’adda Culimada dalka Suudaan oo lagu soo dhaweeyay Muqdisho

0
1306

Wefdigan ka socday hey’adda culimada dalka Suudaan ayaa waxaa hogaaminayay guddoomiyaha hey’adaas Dr Cisaam Al-Bashiiri waxaa garoonka diyaaradaha ee Aadan Cabdulle Cismaan ku soo dhaweeyay mas’uuliyiinta hey’adda culimada Soomaaliyeed oo uu horkacayay ku-simaha gudoomiyaha hey’adda Sheekh Nuur Baarood Gurxan, iyadoo ujeedada socdaalkooda lagu sheegay xoojinta xiriirka ka dhaxeeya culimada labada dal iyo sidii la isku dhaafsan lahaa cilmi baarista iyo faafinta diinta Islaamka.

Intaas kadib waxaa labada dhinac kulan is xog wareysi ah ku yeesheen magaalada Muqdisho, iyadoo kulanka uu goob joog ka ahaa Wasiirka Awqaafta iyo Diinta, Cabqidaadir Shekh Cali Baqdaadi, Dr Maxamed Xaaji Axmed xoghayaha guud ee Hey’adda Culimada Soomaaliyeed waxaa uu warbixin ka siiyay waxqabadka culimada Soomaaliyeed gaar ahaan ka wacyigelinta dadka Soomaaliyeed afgaarta khaldan oo loo ekeysiiyay diinta Islaamka.

Dr Cisaam Al- Bashiiri Guddoomiyaha Hey’adda Culimada dalka Suudaan ayaa sheegay in imaanshahooda magaalada Muqdisho ay ku saabsan tahay arrimo dhowr ah oo ay ugu muhiimsan tahay iskaashiga wada yeeshaan labada hey’adood, Faafinta diinta Islaamka, cilmi baarista iyo in tababaro la siiyo imaanmyada Maasjidyada si bulshada loogu gaarsiiyo diinta Islaamka.

Dr Maxamed Xaaji Xoghayaha guud ee hey’adda Culimada Soomaaliyeed oo warbaahinta Qaranka la hadlayaa sheegay in faa’ido weyn ku jirto xiriir dhex maraya labada dhinac, isagoo tilmaamay in dowladda Suudaan ay tahay dal wax badan u qabatay shacabka Soomaaliyeed.

Guddoomiyaha hey’adda Culimada dalka Suuudaan Dr Cisaam Al- Bashiiri ayaa si weyn ugu mahadceliyay soo dhoweynta soo la saameeyay, waxaana uu xusay in dhibaatada ay geysanayaan kooxaha aamisan fikirka ku talaxtagga dhanka diinta loo baahan yahay in lagu xalin karo faafinta fikirka saxda ah oo ku saleysan diinta Islaamka.

 

 

Did you like this? Share it:

LEAVE A REPLY

Please enter your comment!
Please enter your name here