Wafdi ka socda Maamulka Koonfur Galbeed oo gaaray Degmada Xudur ee gobolka Bakool

Wafdi oo uu hoggaaminayey Wasiirka Wasaaradda Qorsheynta, Maalgashiga iyo Horumarinta dhaqaalaha Maamulka Koonfur Galbeed ayaa maanta gaaray Xudur, wqaxaana Garoonka diyaraadaha magaaladaas ku soo dhoweeyay maamulka gobolka Bakool, maamulada degmooyinka iyo qeybaha kala duwan ee bulshada.

Soo dhoweyn iyo Salaan ka dib wafdiga waxa loo galbiyey guriga martida, waxaana kulan uu la qaatay maamulka oo uga warbixiyey ujeedka safarkooda.

Ujeedka safarka Wasiirada Ganacsiga, Beeraha iyo Waraabka, Xanaanada xoolaha, Cadaalada iyo Garsoorka, Tamarta iyo Kheyraadka biyaha iyo Qorsheynta ayaa ahaa kormeerida waxqabadka mashruuca SOMREB ee ka soo kabashada abaaraha deegaanada maamulka Koofur Galbeed.

Intaa kadib Maamulka iyo wafdiga waxa ay booqdeen qaar ka mid ah beeraley mashruuca ka faa’ideystay, xarumo dad loo tababarey daaweynta xoolaha, dad shaqo abuur loo sameeyey, xaruuntii Maxkamadda isxilqaanka lagu dhisayey iyo mashruuc laga fuliyey xaruunta seylada xoolaha lagu iibiyo ee magaalada Xudur.

Ugu horeyn, Guddoomiyaha gobolka Bakool  Maxamed Cabdi ayaa warbixin guud ka siyey mashruucyada la fuliyey iyo meelaha u baahan in wax laga qabto

Maamulka Degmada Xudur ayaa baaq u direy Hay’adaha samafalka in magaalada Xudur ay xafiisyo ka furtaan maadaama kuwa hadda ka shaqeeya tiro ahaan aad u yaryihiin.

Gabagabadii, waxa kulanka ka hadlay Wasiirka Wasaarada Qorsheynta, maalgashiga iyo Hormarinta Dhaqaalaha Axmed Madoobe Nuunow ayaa umahadceliyey hay’adihii iyo Wasaaradihii ka qeyb qaatay hirgelinta mashruucaan, wuxuna fariin u direy hay’adaha ku mideysan SOMREB in ay kordhiyaan mashruucaan maadaama aad looga faa’ideystay

LEAVE A REPLY

Please enter your comment!
Please enter your name here