Wafdi uu hogaaminayay wakiilka Q. M. oo booqday, Kismaayo+Sawirro

Wafdi uu hoggaamiyano wakiilka Qaramada Midoobay u qaabilsan arrimaha Soomaaliya Michael Keating, uuna ka mid yahay wakiilka Midowga Afrika isana u qaabilsan arrimaha Soomaaliya Ambassador Francisco Caetano Madeira ayaa shalay gaaray magaalada Kismayo.

Wafdigan  waxaa garoonka diyaaradaha ee magaalada Kismayo ku soo dhaweeyay madaxweynaha maamulka Jubbaland Axmed Madoobe iyo mas’uuliyiin kale.

Mas’uuliyiintaasi ayaa xarigga ka jaray xarun cusub oo loogu talo galay martida, taas oo dhawaan dhismaheeda lasoo gabo-gabeeyay.

Dhinaca kale wafdiga ayaa kulan la qaatay guddiga doorashada, kuwaas oo ay ku ammaaneen sida ay u noqdeen maamulkii ugu horreeyay ee  soo dhamaystira doorashada dadban.

Shalay ayay aheyd markii maamulka Jubbaland uu ku dhawaaqay in ay soo gaba-gabeeyeen doorashadii aqalka hoose iyo tii sareba, waxaana uu noqday maamulkii ugu horreeyay ee arrintaasi ku guuleysta.

 

Did you like this? Share it:

LEAVE A REPLY

Please enter your comment!
Please enter your name here