Wafdi uu Hogaaminayo Gudoomiyaha Xaflada Caleema Saarka Madaxweynaha Galmudug oo gaaray Magaalada Dhuusomareeb.

Waxaa Maanta Magaalada Dhusamreb ee Xarunta Maamulka Galmudug soo gaaray Gudoomiyaha iyo Gudoomiye ku-xigeenka Guddiga Xaflada Caleema-saarka Madaxwaynaha iyo Madaxwayne ku-xigeenka Galmudug waxaana Garoonka Diyaaradaha Dhusamareb ku soo dhoweeyey Wasiiro iyo Xildhibaano ka tirsan Galmudug iyo Maamulka Magalaada Dhusamareb.

Xubnahaan Maanta soo gaaray Magaalada Dhusamareb ayaa waxaa Hogaaminaya Gudoomiyaha Guddiga Xaflada Caleema-saarka Yuusuf Garaad Cumar soo dhowayn ka dib ayaa la dajiyey Halkii loogu Talagalay oo ay ku shaqayn lahaayeen inta ay hayaan Howlaha loo Xilsaaray.

Dhianaca kale Maamulka Magaalada Dhusamareb ayaa Balanqaaday inay la shaqaynayaa Guddigan Maadaama Munaasabada Xafladu ka dhacayso Caasimada Galmudug ee Dhusamareb sidoo kalana ay ka gaysan doonaan Kaalinta kaga aadan.

Xubnaha Gudiga ayaa waxa ay la kulmi doonaan Madaxda Dowlad Goboleedka Galmudug waxa ayna ka wada Arinsan doonaan sidii loo qaban lahaa Munaasabada Caleema-saarka iyo Waqtiga la qabanayo Munasabada.

LEAVE A REPLY

Please enter your comment!
Please enter your name here