Wafdi uu hogaaminayo Madaxweynaha Galmudug oo lagu soo dhaweeyay Bacaadweyne “SAWIRRO”

Wafdi uu horkacayay Madaxweynaha Dowlad Goboleedka Galmudug mudane Axmed Cabdi Kaariye oo mudooyinkaaba kormeer howleed ku marayay deegaannada Gobalka Mudug ayaa gaaray deegaan Bacaadweyne ee Gobalka halkaas oo si diiran ay ugu soo dhaweeyeen qeybaha bulshada ee ku nool deegaanka.

Madaxweynaha Galmudug ayaa soo dhaweyn kadib la hadlay shacabka reer Bacaadweyne ee Gobolka Mudug, Isagoo sheegay in booqashada uu ku yimid bacaadweyne ay tahay mid qeyb ka ah kormeerka xaqiiqo raadinta nolasha bulshada Gobalka, si maamulku uu gacan uga geysto wax ka qabashada adeegyada lagama maar maanka u ah nolasha aadanaha.

Madaxweynaha Dowlad Goboleedka Galmudug iyo wafdigiisa ayaa lagu wadaa in kulan gaar ah ay la qaataan maamulka Bacaadweyne si ay uga warbixiyaan baahiyada ka jira deegaankaasi oo dhawaan ay dhibaatooyin kasoo gaartay daadad ku fatahay, isla markaana sababay khasaare naf iyo mid hantiyadeed

W/D Wariye C/risaaq Maxamed Axmed (Galkacyo)

LEAVE A REPLY

Please enter your comment!
Please enter your name here