Wafdi uu hogaaminayo Madaxweynaha oo u amba baxay dalka Isutaga Imaaraadka Carabta “SAWIRRO”

Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud iyo wafdi uu hogaaminayo ayaa maanta u amba baxay dalka Isutaga Imaaraadka Carabta halkaasi oo ay kula kulmi donaan Madaxweynaha Imaaraadka Khalifa bin Zayed Al Nahyan oo ay ka wada hadli doonaan xoojinta xiriirka qotoda dheeer ee Soomaaliya iyo Imaaraadka Carabta.

Wafdiga Madaxweynaha waxaa garoonka diyaaradaha ku sii sagootiyay Guddoomiyaha Baarlamaanka Mudane Maxamed Sheekh Cismaan Jawaari, Ra’iisul wasaare Cumar Cabdirashiid Cali Sharma’arke, xubno ka tirsan labada gole ee dowladda, saraakiisha ciidamada qalabka sida, Maamulka gobolka iyo mas’uuliyiin kale.

Afhayeenka Madaxtooyada Qaranka Daa’uud Aweys oo Warbaahinta kula hadlay garoonka diyaaradaha caalamiga ah Aadan Cadde ee magaalada Muqdisho ayaa sheegay in Madaxweynaha uu casuumaad ka helay Madaxweynaha Dalka isutaga imaaraadka Khalifa bin Zayed Al Nahyan oo ay ka wada hadli doonaan arrimo badan oo ay ka midtahay xaaladda dalka.

“Madaxweyaha Jamhuuriyadda waxa uu ku wajahanyahay, waxa uu marti qaad rasmi ah ka helay Madaxweynaha Imaaraadka Khalifa bin Zayed Al Nahyan oo aad ogtihiin in xiriir wanaagsan oo qoto dheer ay ka wada dhexeeyaan labada dal, Imaaraadka waxa uu ka qeyb qaataa dib u dhiska Soomaaliya” ayuu yiri Afhayeenka.

DSC03003 DSC03006 DSC03009 DSC03011 DSC03017 DSC03021 DSC03032 DSC03034 DSC03035 DSC03036 DSC03038 DSC03039 DSC03040 DSC03041 DSC03042 DSC03043 DSC03044 DSC03045 DSC03048 DSC03050 DSC03054

Sawir Qaade:- Farxaan Suleymaan Daahir