Wafdi Uu Hogaaminayo Wasiirka Arrimaha Gudaha Oo Gaaray Istanbul

1
3097

Wafdigani uu hogaaminayo wasiirka arrimaha gudaha iyo Federaalka Xukuumadda Federaalka Soomaaliya C/raxmaan Maxamed Xuseen Odawaa ayaa gaaray magaalada Istanbuul ee Dalka Turkiga, iyadoo wafdiga ay ka qeyb galayaan Shirka wadahadallada dowladda federaalka ah ee Soomaaliya iyo maamulka Somaliland oo lagu wado inuu ka furmo magaalada Istanbul ee dalka Turkiga.

Wafdiga oo ay qeyb ka yihiin Wasiirka wasaaradda warfaafinta iyo Dalxiiska Maxamed Cabdi Xayir Maareeye, Wasiirka Gaadiidka iyo duulista Cali Axmed Jaamac Jingili,Xildhibaanno iyo mas’uuliyiin kale ayaa markii ay gaareen mas’uuliyiinta Magaalada Istanbuul ku soo dhaweeyay mas’uuliyiin ka tirsan Safaaradda Soomaaliya ee dalka Turkiga.

Dhinaca kale waxaa magaalada Istanbuul gaaray wafdiga maamulka Somaliland uga qeyb galaya wada hadalka ka beri ka furmaya magaalada Istanbuul ee dalka Turkiga.

Dabayaaqadii bishii December ee danadkii hore ayaa waxaa magaalada Jabuuti ee dalka Jabuuti kuwada Kulmaya Madaxeynaha Jamhuuriyadda Federaalka Soomaaliya Mudane Xasan Sheekh Maxamuud iyo madaxweynaha Maamulka Somaliland Axmed Maxamed Maxamuud Siilaanyo kuwaa oo ka wada hadlay arrimo kale duwan oo la xiriira calaaqaadka maamulkaasi iyo Dowladda Federaalka ah, waxaana shirkani istanbuul ka furmaya uu qeyb ka yahay dadaalada lagu doonayo in Soomaaliya la mideey.

Did you like this? Share it:

1 COMMENT

LEAVE A REPLY

Please enter your comment!
Please enter your name here