Wafdi uu hoggaaminayay Guddoomiyaha Maxkamadda sare ee qeybta 60-aad oo gaaray Xudur.

Wafdigaan oo uu hoggaaminayey guddoomiyaha maxkamada sare ee ciidamada qalabka sida qeybta 60-aad waxa garoonka ku soo dhoweeyey maamulka degmada Xudur iyo saraakiisha ciidamada guutada 9-aad ee qeybta 60-aad, waana safarkii ugu horeeyay oo guddoomiyaha maxkamada uu ku yimaado magaalada Xudur.

Guddoomiyaha Maxkamadda sare ee ciidamada qalabka sida qeybta 60-aad ee Dowlad goboleedka koofur galbeed Soomaaliya Gaashaanle Abshir Maxamed Aadan oo uu safarka ku wehliyey  Taliyaha ciidanka Nabadsugida Koofur Galbeed Cali Cabdi Cabdullaahi ayaa sheegay in safarkoodu uu yahay mid shaqo oo la xiriira howlaha horyaalla Maxkamadda.

Safarka guddoomiyaha iyo wafdigiisa waxa uu ku soo beegmayaa xilli shaqsiyaad ku eedeysan falal argagaxisinimo ay maxkamad suge ku yihiin xaruunta saldhiga booliska ee degmada Xudur, waxaana lafilayaa in maxkamadda maalmaha soo socda kiisaskaas u fariisan doonto.

LEAVE A REPLY

Please enter your comment!
Please enter your name here