Wakaaladda IAEA “Mustaqbalka heshiiska nukliyeerka Iiraan khatar ayuu ku jiraa”

Wakaaladda Caalamiga ah ee Tamarta Atomiga waxay cusbooneysiisay digniinta Iiraan ee ku aadan mustaqbalka heshiiska Nukliyeerka.

Agaasimaha guud ee Hey’adda IAEA Raphael Grossi ayaa ka codsaday Iiraan inay soo bandhigto natiijooyinkii ugu dambeeyay ee Yuraaniyam-keeda si loo fududeeyo fursadaha dib usoo nooleynta heshiiskii Nukliyeerka ee dhacay sanadkii 2015.

Raphael Grossi, wuxuu ku celceliyay mowqifkiisii ​​hore ee ahaa in ay jiraan qodobo aan wali cadeyn oo ku saabsan haraaga Yuraaniyam-ka iyo raadadka ay ka heleen meelaha qaar ee ay tageen kormeerayaasha IAEA, kuwaa oo aysan horay u shaacin.

Warbixintaii Reuters ee la shaaciyay bishii la soo dhaafay ayaa xustay in Hey’adda IAEA, ay ka heshay walxaho Yuraaniyam ah laba goobood oo gudaha Iiraan ah kuwaa oo ay Hey’adda baartay intii u dhaxeeysay bilahii Ogosto iyo Sebtember 2020.

Maalintii Shalay Grossi, wuxuu muujiyay inuu aaminsan yahay in heshiiskii hore uu dhamaaday, wadada kaliya ee horay loogu socon karaa ay tahay heshiis cusub oo lala galo Iiraan, sida lagu qoray wargayska Al Paayis.

LEAVE A REPLY

Please enter your comment!
Please enter your name here