Wakaaladda wararka Soomaaliyeed ee SONNA oo xafiis ka furatay Baydhabo

0
2463

Xafilad xariga looga jeray  Xafiis Wakaaladda Wararka Soomaaliyeed ee SONA ay ka furatay Baydhabo ayaa maanta lagu qabtay isla magaaladaasi.

Munaasabadda Furitaanka xafiiskaas waxaa ka qeybgalay  Agaasimaha Guud ee Wasaarada Warfaafinta Dhaqanka iyo Dalxiiska .Agaasimaha Wakaalada Wararka Soomaaliyeed ee SONA, Madaxa Tababarrada Wasaaradda, Wasiirka Warfaafinta maamulka Koofur Galbeed iyo Gudoomiye Ku xigeenka 1aad ee Ururka Suxufiyiinta Qaranka Soomaaliyeed ee NUSOJ.

Ugu horeen C/raxiin Ciisa Cadaw Madaxa Tababarada wasaarada Warfaafinta ayaa Sheegay in Wasaaraddu ay Waddo Qorshe lagu tababaridoono wariyayaasha Soomaaliyeed ee ku nool gobollada Dalka.

Agaasimaha  Wakaaladda Wararka Soomaaliyeed ee SOONA C/raxamaan Yuusuf al Cadaala iyo Agaasimaha Guud ee Wasaaradda Warfaafinta dhaqanka iyo dalxiiska C/rasaaq Cali Yuusuf “Bahalaawi” ayaa ku dheeraadey ahamiyadda Xafiiskan uu u leeyahay ummadda Soomaaliyeed.

Wasiirka Wasaaradda Warfaafinta maamulka koofur galbeed Xasan Cabdi Maxmed ayaa Madaxda Wasaaradda Warfaafinta Ku amaaney  Sida ay u balaarinayaan Warbaahinta Dawlada Soomaaliyeed.

Waa xafiiskii Labaad ee wakaalada Wararka Soomaaliyeed ee SONNA ay ka furato Goballada Dalka, iyadoo Xafiiskii Kan ka horeeyey Wakaaladdu  kafuratay Mgaalada Kismaayo ee Xaruunta maamulka Jubaland.

Did you like this? Share it:

LEAVE A REPLY

Please enter your comment!
Please enter your name here