Wakiilka Mareykanka ee Afgaanistaan oo soo jeediyay in la qabto shir kulmiya hogaamiyaasha Afgaanistaan si loo dhiso dowlad kumeel gaar ah

Sida uu qoray  wargeeyska The Wall Street Journal,  ergeyga Mareykanka ee Afgaanistaan, Salmay Khaliil Zaad, ayaa soo jeediyay in la qabto shir ay isugu imaanayaan hoggaamiyaasha Afgaanistaan iyo Kooxda Daalibaan si loo dhiso dowlad ku meel gaar ah.

Wargeyska  wuxuu intaa ku daray in soo jeedintan ay soo celin doonto fikirkii shirkii 2001 ee lagu qabtay magaalada Bonn ee dalka Jarmalka, iyada oo ay ku kala duwan yihiin casuumaada iyo  ka soo qayb galaan shirka.

Madaxa wada hadalada dowladda Afgaanistaan, ayaa sheegay in dhankooda ay darsayaan soo jeedinta wakiilka Mareykanka iyo qaabka ugu macquulsan ee loogu heli karo wada jirka dadka reer Afgaanistaan.

Afayeen u hadlay  Daalibaan oo ka jawaabayay dalabkii Khaliil Zaad ayaa sheegay in ay lagama maarmaan tahay in diirada la saaro xalinta dhibaatooyinka ka jira gudaha dalka.

Saraakiisha Mareykanka ee ku sugan dalka Afgaanistaan ayaa sheegay in ay diyaar u yahiin in ay fududeyaan qabsoomida shirkan uu soo jeediyay  ergeyga Mareykanka ee Afgaanistaan.

LEAVE A REPLY

Please enter your comment!
Please enter your name here