WAR DEG DEG AH-Dagaal Ka Socdo Magaalada Dhuusamareeb

Wararka aan ka heleyno magaalada Dhuusamareeb ee xarunta gobolka Galgaduud ayaa sheegay in caawo 12:30 saqdii dhexe uu dagaal ka bilowday magaaladaasi.

Dagaalka ayaa la sheegaya in uu ka dhaacayo dhowr jiho oo magaalada ah,iyadoo dadka magaalada ay hurdada kaga tooseen dhawaqa rasaasta fudud iyo tan culus oo ay isku adeegsanayaan dhinacyada ku dagaalamaya magaalada Dhuusamareeb.

Ilaa hada si dhab ah looma oga dhinacyada ku dagaalamaya magaalada Dhuusamareeb,laakiin qaar ka mid ah dadka shacabka ah oo uu la hadlay Radio Muqdisho ayaa u sheegay in dagaalku uu u dhaxeeyo Culumaa;udiinka Ahlu Sunna Waljamaaca iyo Maamulka Galmudug.

Lama oga qasaaraha ka dhashay dagaalka,iyadoona wali la maqlayo dhawaqa rasaasta ay isku adeegsanayaan dhinacyada dagaalamaya.

Waan idiin soo gudbin doonaa wixii Faahfaahin oo ka soo kordha dagaalka Dhuusamareeb.

LEAVE A REPLY

Please enter your comment!
Please enter your name here