War murtiyeed laga soo saaray shirka doorka qurbajooga-Sawirro

2694

Tan iyo wixii ka danbeeyay Dagaaladdii sokeeye ee ka dhacay dalka Soomaaliya,  waxaa  lagu  qiyaasayaa dadka  Qurbajoogta  ah inay gaarayaan  1.5 Milyan  oo ruux, kuwaas oo  ku  kala  nool Qaaradaha kala gedisan ee dunida, waxa ayna dhaqaale  ahaan wadanka Soomaaliya u diraan in ka badan 2 bilyan oo dollar sanadkiiba, si ay ugu gargaaran dadka ay wadanka uga soo tageen.

Sidoo kale dadka qurbajoogta ah waxay qayb wayn oo aan la iskaindho tiri karin ka yihiin Harumarinta Siyaasaddda, Dhaqaalaha,

Nabadeyta iyo dib u heshiisiinta wadanka, balse waxaan jirin qorshe midaysan oo ku aadan doorka qurba joogta.

Hadabba sidaa diraadeed ayay Hay’adda HIRDA oo ah ha’yad ay Aasaaskeeda leeyihiin qurbajoog Soomaliyeed ay soo qabanqaabisay 29 April 2017  kulan looga  hadlayay  doorka rasmiga ah oo  ay  qurbajoogta  ku  leeyihiin  dib  u  dhiska  iyo nabadeyta wadanka.

Shirka waxaa uu ka dhacay aqalka Dimoqoradiyada Magaaladda Denhaag ee dalka Holland, waxaana ka soo qayb galay Danjiraha Soomaliya u fadhiya EU iyo wadamada la isku yiraahdo Benelux, Dr. Ali Said Faqi, Ra’iisal wasaarihii hore ee Soomaliya Mohamed Abdi Yususf, Gudoomiyihii hore ee Jaamcadda umadda Soomaliyeed Prof. Abdi Farah Hassan, Fanaanka weyn ee Soomaaliyeed Al-Ustaad Ahmed Naji Sacad iyo Marti Sharaf kale oo lagu Casuumay Shirka.

Shirka waxaa si rasmi ah u furay Agaasimaha guud ee Hay’adda HIRDA Fatumo Farah, iyadoo si koobanna uga hadashay doorka qurbajooga iyo ujeedooyinka shirka oo kala ah:-

In la helo cudud midaysan oo qurbajooga ah
In la helo wada shaqayn qorshaysan oo dawladda iyo qurba joogta Soomaaliyeed.
In laga qaybqaato sugidda amniga wadanka iyo midnimadda Waddanka.
In la helo fursaddo lugu maalgashado wadanka
iyo In la helo wadashaqayn.

Did you like this? Share it:

LEAVE A REPLY

Please enter your comment!
Please enter your name here