Wararkii ugu dambeeyey qabsoomidda kulanka hoggaamiyaasha Mareykanka iyo W/kuuriya

0
1173

Wali waxaa sii  kordhaya shakiga laga muujinayo suuro galnimada in uu baaqan karo kulanka ay u balansanyihiin madaxda Mareykanka iyo Waqooyiga Kuuriya,iyadoo Madaxwayne Donald Trump uu sheegay in ay jirto ifa faalo wayn oo muujinaya in uusan qabsoomi doonin kulanka lagu wado in uu dhexmaro isaga iyo hogaamiyaha Kuuriyada Waqooyi.

Qorshaha Kulanka labada hoggaamiye ayaa ahaa in ay kulmaan 12 bisha soo socota ee June,si ay uga wada hadlaan arrimo badan oo quseeya hubka Nuclearka ee Iiraan.

Shakiga ayaa sii kordhay wixii ka dambeeyey Ka dib kulan Trump uu Washinton kula yeeshay madaxwaynaha Kuuriyada Koonfureed, Moon Jae-in,kulankaasi kadibna uu sheegay in ay tahay in la fuliyo shuruudaha laga doonayo Kuuriyada Waqooyi.,wuxuuna intaasi ku daray in hadii lafulin waayo shuruudahaasi uusan kulan dhicidoonin.

Horey ayay dowladda Kuuriyada Koonfureed waxa ay rajo uga muujisay in kulanka lagu wado in uu dhex maro madaxwayne Trump iyo hogaamiyaha Kuuriyada Waqooyi Kim Jong-un uu sii socon doono iyada oo ay jirto in dhawaan ay K/Waqooyi sheegtay in ay ka fiirsanayso.

Dowladda Kuuriyada Waqooyi ayaa ku hanjabtay in ay wadahadalada ka bixi doonto haddii Mareykanka ay ku cadaadiyaan in hub ka dhigis niyukleer oo hal dhinac ah.

Warbaahinta ayaa soo tabinaysaa in Kuuriyada Waqooyi oo soo fariista miiska wadahadalada ay noqonayso mid ka mid ah siyaasadaha arrimaha dibadda ee Trump oo guulaysatay,balse haatan waxaa soo baxaya shaki badan,waxaana Khubaro ay sheegaya in kulanka oo baaqdo ay noqonayso dib u dhac aad u wayn.

Did you like this? Share it:

LEAVE A REPLY

Please enter your comment!
Please enter your name here