Wararkii ugu danbeeyay Qaraxii Cawa ka dhacay Taalada Sayidka+Sawirro

Gaari  waxyaabaha qarxa laga soo buuxiyey ayaa Naftii hallige ka tirsan Shabaab la beegsaday bar koontarool oo ay ciidammada dowladda ku leeyihiin Talaada Sayidka ee magaalada Muqdisho.

Taliyaha Qeybta Guud ee Ciidanka Booliska Gobolka Banaadir oo Shir Jaraa’id caawa ku qabtay goobtii uu qaraxu ka dhacay ee nawaaxiga taalada Sayidka  ee magaalada Muqdisho ayaa wuxuu faahfaahin ka bixiyey khasaarihii ka dhashay halkaasi.

Taliyaha guud ee Booliska Gobalka Banaadir Gaashaanle Sare Bishaar Abshir Geedi oo lahadlay Warbaahinta Qaranka ayaa sheegay in qarixii Naftii haligaha Cawa ka fuliyayay Sayidka uu sababay dhimashada laba ka mid ah Ciidanka Xoogga iyo Dhaawaca Sadex Askari oo kale .

Sidoo kale Taliyaha guud ee Booliska Gobolka Banaadir ayaa sheegay in Ciidanka la qarxiyay ay ahaayeen Ciidamada Isku-dhafka Amniga Muqdisho ku waa soo maalmahan ka hortagyeye Weerarada ay maleegeyeen kooxha Argagixiso.

Kooxaha Nabad-diidka ayaa muddooyinkan kala kulmayey Ciidamada Ammaanka tallaabooyin dheeri ah oo lagu adkeynayo Ammaanka Caasimadda maadaama la wajahayo marxaladda doorashooyinka, waxeyna saraakiisha dowladda sheegeen iney sii xoojin doonaan howlgallada lagu adkeynayo amniga.

 

qarax2 qarax3 qarax4 qarax5 qarax6

Did you like this? Share it:

LEAVE A REPLY

Please enter your comment!
Please enter your name here