Todobo musharax oo maanta Baarlamaanka ka jeediyay waxyaabaha ay qabanaan marka ay guuleystaan

Sideed musharax oo ka mid ah 24-ka Musharax ee u taagan qabashada xilka Madaxweynaha Jamhuuriyadda Federaalka ah ee Soomaaliya ayaa maanta baarlamaanka ka hor jeediyay hadal jeedintooda ku aadaneyd waxa ay qabanayaan marka ay xilka ku guuleystaan.

Wareega koowaad oo ilaa iyo saddex musharax aaya waxa ay ka hadleen xarunta golaha shacabka kuwaasi oo kala ah  Zakariye Maxamuud Xaaji Cabdi, Bashiir Raage Shiiraar iyo Jibriil Ibraahim Cabdulle, halka  Axmed Maxamed Cabdi uu ka maqnaa madasha.

Markii la isku soo laabtay waxaa wareegga labaad baarlamaanka ka hor hadlay Musharixiinta dhiman oo kala ahaa:

  1.  Xasan Sheekh Maxamuud
  2. Saciid Cabdullaahi Deni
  3. Saciid Ciise Maxamuud
  4. Shariif Sheekh Axmed.

Musharax kasta oo ka mid ah musharixiintii maanta baarlamaanka ka hadlay waxa ay ka sinaayeen in marka ay guuleystaan ay la imaan doonaan isbadal muuqda.

Sabtida ayaa lagu wadaa in hadal jeedinta baarlamaanka ay sii socoto, iyadoo sideed musharax ay baarlamaanka hor imaan doonaan, si ay ugu jeediyaan waxyaabaha u qorsheysan.

 

LEAVE A REPLY

Please enter your comment!
Please enter your name here