Xaaladda Wariye Farxaan Suleymaan oo soo hagaageysa

2777

Wariye Farxaan Suleymaan Daahir oo ah sawir qaade ka tirsan Radio Muqdisho ayaa ka badbaaday isku day dil oo ay Shabaabku ku doonayeen inay ku qaarajiyaan, xilli uu ku sugnaa meel u dhaw isgoyska KPP ee degmada Hodan.

Labo nin oo bistoolado ku hubeysan ayaa Sawir Qaade Farxaan Suleymaan weeraray, waxaana ay rasaastu ka haleeshay feeraha iyo madaxa oo sartay, iyadoo dhaqaatiirta ku howlan daweyntiisa ay sheegeen in xaaladiisu ay iminka soo hagaageyso.

Kooxihii falka geystay ayaa goobta isaga cararay, waxaana ciidanka booliska oo gaaray halka uu falka ka dhacay ay bilaabeen howlgallo ay ku baadi goobayaan dadkii falkaasi ka dambeeyay, iyadoo gacanta lagu dhigay tiro dad ah oo lagu tuhmayo in ay ka dambeeyeen dhaawaca Wariye Farxaan.

Bashiir Khaliif Gaani oo ka tirsan Warbaahinta Qaranka oo Wariye Farxaan ku booqday Isbitaalka ayaa soo sheegay in xaaladda wariyuhu ay iminka wanaagsantahay, isla markaana la baxnaaninayo.

Did you like this? Share it:

LEAVE A REPLY

Please enter your comment!
Please enter your name here