Wariye Nimco Xersi Jimcaale oo ka badbaaday isku day dil

Wariye Nimco Xersi Jimcaale oo ka mid ah Howlwadeennada Radio Muqdisho iyo Telefishinka Qaranka ayaa ka badbaaday isku day dil, kaas oo ay soo maleegeen Argagixisada Al-Shabaab.

Galabnimadii maanta ayey rag ku hubeysnaa bastooladu waxay ay gudaha u galeen guriga wariyaha oo kuyaalla Degmada Warta Nabadda, gaar ahaan xaafadda Xararyaalle, xilligaas oo ay doonayeen in ay dilaan.

Wariye Nimco Xersi Jimcaale

Dadka Deegaanka oo sababo amni aanan u baahin garin magacyadooda iyo qaar ka mid ah ehelka Nimco ayaa nala wadaagay in raggu ay ahaayeen kuwo hubeysan, isla markaana ay muddo dhowr saacadood ah waddada ku noqnoqonayeen, kuwaas oo doonayey in ay Wariye Nimco Xersi Jimcaale dilaan laakiin nasiib darro labo kamid ah kooxdaan hubeysan ayaaa guriga gudaha ugalay abaaro 3:45 galabnimo, taasi oo walwal ku beertay dhacdadaan ehelka wariye Nimco iyo dadka deegaanka.

Dhowr jeer oo hore ayey Wariye Nimco Xersi ka badbaaday isku day dil oo ay soo maleegeen Al-Shabaab oo ka soo horjeeda shaqada ay Qaranka u hayso, Nimco oo ah gabar shaqadeed ku firfircoon.

Al-Shabaab ayaa caado u ah dilka iyo gumaadka dadka shacabka ah, gaar ahaan wariyaasha, askarta siyaasiinta iyo cid walba oo ay u arkaan inay ka soo horjeedo afkaartooda qaldan ee xagjirnimada.

Al-Shabaab ayaa kal hore siyaabo kala duwan u dilay saxafiiyiin ka tirsanaa Warbaahinta Dowladda

 

 

LEAVE A REPLY

Please enter your comment!
Please enter your name here