Wasaaaradda arrimaha dibadda oo daah furtay Siyaasadda Qaran ee Arrimaha Dibadda “SAWIRRO”

Munaasabadda daahfurka siyaasadda arrimaha dibedda Soomaaliya oo maanta lagu qabtay xarunta Madaxtooyada ayaa waxaa goobjoog ka ahaa xubno ka tirsan golayaasha dowladda iyo safiirada caalamka ee jooga Soomaaliya iyo mas’uuliyiin kale.

siyaasadda dibedda ee dalkeenu yeelanayo oo ay kasoo shaqeeyeen khubaro Soomaaliyeed, isla markaana diyaarinteedu muddo socotay ayaa waxaa sharaxaad dheer ka siiyay kaqeybgalaayasha madasha marxaladaha ay soo martay Wasiirka arrimaha dibedda Soomaaliya Mudane Cabdisalaan Hadliye Cumar oo sheegay in qiima weyn ay ugu fadhiso Soomaaliya.

Waxaa sharaf weyn u ah Wasaaradda Arrimaha Dibadda iyo Dhiirigelinta Maalgashiga ee Jamhuuriyadda Federaalka Soomaaliya inay dunida u bandhigto maanta Siyaasadda Qaran ee Arrimaha Dibadda.

Siyaasadda Arrimaha Dibadda Soomaaliya waxa ay ku dhisan tahay tiirarka xoojiya nabad-gelyada iyo ammaanka qaran ee heer gobol iyo heer caalami ah, iyadoo ka qeybgal rasmi ah laga sameynayo diblomaasiyadda laba geesoodka iyo midda dhinacyada badan . oo uu barbar socdo fulinta waajibaadka la xiriira balamada, heshiisyada caalamiga iyo dhiirigelinta howlaha ganacsi iyo dhaqaale si loo gaaro horumar waara .

Waa Markii ugu horeysay Siyaasadda Arrimaha Dibadda Soomaaliya oo la qoray, laguna saleeyay howl wadajir ah oo hubineysa nabadda , horumarka iyo barwaaqada gobolka iyo caalamka . dhabahan waa mid u suura-gelinaya Soomaaliya inay wax wadaag faa’ido leh sameyso si dawo loogu helo caqabadaha balaaran ee hortaagan dunida maanta sida horumar waara , ilaalinta deegaanka ,xuquuqda aadanaha iyo ka hortagidda argagaxisada .

Soomaaliya, iyadoo ka guul-keeneysa ujeeddooyinka Siyaasadda Arrimaha Dibadda, waxa ay la shaqeyn doontaa dhammaan dowladaha iyo Ururada wax wadaaga kala dhaxeeya si loo hubiyo fulin guul huwan oo ku qotanta aragtideena, si loo gaaro horumar qaran, mid gobol iyo mid caalami ah.

Siyaasadda Arrimaha Dibadda Soomaaliya waa mid cad dhex dhexaadnimadeeda iyo waajib gudashadeeda ee ah ilaalinta Madax banaanida , qaranimada iyo midnimada dalka Soomaaliya

Golaha Wasiirada iyo barlamaanka Jamhuuriyadda Soomaaliya ayaa horay u meel mariyay siyaasadda arrimaha dibedda Soomaaliya ee dhawaan la sameeyay.

IB0A9083 IB0A9084  IB0A9086 IB0A9087 IB0A9088 IB0A9089 IB0A9090 IB0A9092 IB0A9093 IB0A9095 IB0A9097 IB0A9098 IB0A9101 IB0A9103 IB0A9105 IB0A9107 IB0A9109 IB0A9111 IB0A9112 IB0A9114 IB0A9116 IB0A9118 IB0A9119 IB0A9123 IB0A9124 IB0A9127 IB0A9128 IB0A9129 IB0A9130 IB0A9133 IB0A9134 IB0A9151 IB0A9158 IB0A9171

LEAVE A REPLY

Please enter your comment!
Please enter your name here