Wasaarada Cadaaladda X.F.S. oo xaflad dhiirigelin ah u qabatay dhalinyaro baraneysa sharciga+Sawirro

0
1447

Munaasabad loogu magacdaray Dhiirrigelinta Ubaxa Caddaaladda iyo sare u qaadista barashada caddaalada ayaa wasaaradda Cadaaladda ee X.F.S. waxey u qabatay arday gaareysa Siddeetan oo waxbarasho lacag la’aan ah oo dhinaca sharciga ah ay wasaaraddu ka siisay jaamacadda Muqdisho iyo tan Puntland.

Xafladdaasi dhiirrigelinta ah waxaa ka qeybgalay wasiirka wasaaraddaasi, wasiir ku xigeenka, xoghayaha joogtada ah, ku simaha xeer ilaaliyaha guud ee Qaranka ahna ku xigeenka xeer ilaaliyaha guud, aqoon yahanno ku xeeldheer dhinaca sharciga iyo martisharaf kala duwan.

Xoghayaha joogtada ah ee wasaaradda Cadaaladda X.F.S. Ismaaciil Jimcaale oo halkaasi ka hadlay ayaa sheegay in wasaaraddu ay ahmiyad gaar ah siineyso sare u qaadista tayada aqoonta ardaydaasi, isagoo tilmaamay in wasaaraddu ku guuleeysatay suurtagelinta in arday gaareysa Siddeetan ay waxbarasho bilaash ah ka siiso jaamacadda Muqdisho iyo tan Puntland.

Dr. Shariif Ismaan iyo Dr. Saalin oo ah aqoonyahanno dhinaca sharciga ah ayaa si isku mid ah wasaaradda ugu amaanay dadaalka ay ku soo saareyso jiil cusub oo soo barta shirciga si loo horumariyo nidaamka garsoorka dalka.

Ku simaha xeer ilaaliyaha guud ee Qaranka ahna ku xigeenka xeer ilaaliyaha Dr. Muuse ayaa wasaaradda Cadaaladda ku amaanay qorshaha ay waxbarasho bilaash ah ku siineeyso ardaydaasi Soomaaliyeed, wuxuuna ku dhiirrigeliyay ardaydaasi in ay ka faa’iideystaan fursaddaasi qaaliga ah.

Wasiir ku xigeenka wasaaraddaasi Dr. Ciise Wehliye Maalin oo isna halkaasi ka hadlay ayaasheegay in wasaraddu ay mudnaanta siineyso soo saaridda dhallinyaro soo baratay sharciga iyo qaanuunka si loo horumariyo hannaanka garsoorka dalka.

Wasiirka wasaaraddaasi Avv. Xasan Xuseen Xaaji oo munaasabaddaasi soo xiray ayaa sheegay in wasaaraddu ay dib u habeyn ku sameyneeyso shuruucda garsoorka dalka, wuxuuna intaasi raaciyay in wasaaraddu qorsheyneyso furidda machad lagu tababaro Qareennada iyo xeer ilaaliyayaasha si loo tayeeyo garsoorayaasha maxkamadaha dalka.

Arrintan ayaa qeyb ka ah qorshaha wasaaradda Cadaadaladda ee X.F.S. ay ku horumarineyso hannaanka garsoorka dalka.

?
?

 

Did you like this? Share it:

LEAVE A REPLY

Please enter your comment!
Please enter your name here