Wasaaradaha Waxbarashada X.F.S iyo Dowlad Goboleedyada oo heshiis kala saxiixday

Magaalada Garoowe waxaa maanta kusoo xirmay shir looga hadlayay tayeynta iyo daadejinta adeegga Waxbrashada Soomaaliya, si gooni ah shirku wuxuu diiradda saarayay Manhajka iyo Imtixaanaadka oo muhiim u ah tayeeynta waxbarashada Dalka.

Wasaaradda Waxbarashada Xukuumadda Federaalka Soomaaliya iyo kuwa dowladaha xubnaha ka ah ayaa ku heshiiyay in la mideeyo hanaanka imtixaanka dalka (National Curriculum Framework), waxaa sidoo kale lagu heshiiyay in la sameeyo Laba guddi Qaran oo ka madaxbanaan Wasaaraddaha Waxbarashada, labadan guddi oo kala ah guddiga Imtixaanka iyo midka Manhajka.

Waxaa sidoo kale lagu heshiiyay xoojinta wadashaqeynta iyadoo loo marayo dhisidda Gole ay Wasaaraduhu ku mideysan yihiin oo ilaaliya halbeegyada iyo daadejinta adeegyada waxbarashada.

Goluhu ayaa leysla gartay in meesha ay ka saari doonaan caqabadaha soo noqnoqday ee la xiriira waxbarashada Dalka, waxuuna sidokale ka jawaabayaa shuruudaha daneeyayaasha horumarka waxbarashada Soomaaliya.

LEAVE A REPLY

Please enter your comment!
Please enter your name here