Wasaaradda amniga Gudaha iyo taliska Taraafikada oo Ammarro ka dhan ah gawaarida xamuulka qaada soo saaray

Wasaaradda Amniga gudaha iyo Taliska ciidanka nabad galyada waddooyinka ayaa ammar ku bixiyay in gabi ahaanba la joojiyo Gawaarida Xamuulka qaada kuwaas oo caqabad ku noqday isku socodka dadka iyo gawaarida kale, kaddib markii shirja’raaid ay si wada jir ah maanta u qabteen.

Taliyaha ciidanka ilaalada waddooyinka Cali Xirsi Barre Cali “Gaab” ayaa sheegay.

“waddada ka billaabata Jamaal cabdinaasir kuna tagta kiilamitir 4 waxa ka mam nuuc ah in ay maraan gadiidka gaadiidka xamuulka qaada sida biraha, dhagaxyada, iyo wixii la mid ah dhammaan gawaaridas waa ka mamnuuc in ay uwaddadaas maraan, hadda waxaan taaganahay waddada Xaawo taako waxa uuna gaarigu u leexanayaa dhinaca bidix ee xamarweyne” Ayuu yiri Taliyaha.

Afhayeenka wasaaradda amniga gudaha Maxamed Yuusuf Cismaan ayaa sheegay in Amniga Wadaha gaariga iyo Muwaadiniinta Saaram gawaaridaas uu amarkaan danwey ugu jiro, isagoo ku baaqay in ciidamada ammankana ay arrintaan dhankooda kala shaqeeyaan wasaaradda iyo taliska Taraafikada.

Taliska ciidanka illaalada wadooyinka taraafiko ee Gobolka Banaadir ayaa horay u soo saaray sharciyo lagu mamnuucayo maridda wadooyinka ay hadda ka joojiyen gadiidka inta badan ka yimada dakadda Magalada Muqdisho.

LEAVE A REPLY

Please enter your comment!
Please enter your name here