Wasaaradda Amniga oo ku baaqday in shacabku ay la shaqeeyaan laamaha amniga

Wasaaradda Amniga  ayaa sheegtay in la dardar gelin doono  sugidda amniga caasimadda,  iyada  oo  ugu  baaqday  shacabka  inay la shaqeeyaan laamaha amniga  Dalka.

Afhayeenka Wasaaradda  Amniga Gudaha  Cabdikaamil  Macalin Shugri oo lahadlay Radio Muqdisho ayaa sheegay  in ciidamada ay labo laabeen hawlgallada lagu xaqiijinayo Amniga  Dalka ee looga hortagayo hagardaamooyinka ay maleegayaan Argagixisada Al-Shabaab.

“Magaalada Caasimadda dadka ku nool waxaa lagu qiyaasaa saddex milyan, laamaha amniga ee dowladda waxa ay sii xoojinayaan sugidda amniga, waxaana shacabka ka codsaneynaa inay gacan siiyaan ciidamada nabadgelyada, si looga hortago falalka ay maleegayaan argagixisada Al-Shabaab” ayuu yiri Afhayeenka.

Afhayeenka Wasaaradda  Amniga Gudaha ayaa xusay in ciidamada amniga ay maalmihii dhawaa Muqdisho ka sameynayeen howlgallo lagula dagaallamayo Al-Shabaab, waxaana uu intaa ku daray inay joogteen doonaan howlgallada ka dhanka ah argagixisada.

 

 

 

LEAVE A REPLY

Please enter your comment!
Please enter your name here