Wasaaradda Arrimaha Gudaha oo Maanta Daahfurtay Kulanka Doorka ardayda Jaamacadaha iyo Macalimiintu ku leeyihiin Hirgelinta Hannaanka Dhab-u -Heshisiin Qaran “SAWIRRO”

Wasaaradda Arrimaha Gudaha Federaalka iyo dib-u-heshisiinta ee Xukuumadda Federaalka Soomaaliya ayaa Maanta Daahfurtay Kulanka Doorka ardayda Jaamacadaha iyo Macalimiintu ku leeyihiin Hirgelinta Hannaanka Dhab-u -Heshisiin Qaran.

Kulanka ayaa waxaa Daahfuray Agaasimaha Waaxda Dib-u-heshisiinta ee Wasaaradda Mudane Cabdiraxmaan Jabiin.Waxaana kasoo qayb galay Xubno ka socday Ardayda Jaamacadaha Dalka,Macalimiin ,Ururada Bulshada Rayidka iyo Mas’uuliyiin ka socotay Gobolka Banaadir.

Quburada u qaabilsan Wasaaradda Arrimaha Di-u-Heshisiinta iyo Macalimiin Jaamacadeed ayaa Halkaasi waxaa ay kasoo jeediyeen Warbixino ku saabsan Hannaanka Dhab-u-Heshisiinta Qaran.

Aqoon Yahan Garaad Malla  “Bahda Waxbarashada oo ah Macallimiiinta iyo Ardayda waa in ay qaataan qorshaha qaran ee hannaanka dhan u heshiinta, maadama ay markii horaba qayb ka ahaayeen diyaarinteeda, waa in ay diiradda saaraan sida ay ku bari karaan bulshada”ayuu yiri Aqoon Yahan Garaad Malla

Aqoon Yahan Shirwaac “Si loo gaaro Dhab u heshiisiin marka hore dadku waa in ay wanaajiyeen xariirka Kala dhaxeeyo Allah  Sumxaana Watacalaa oo ay isaga hishiis la noqdaan, markaa uu qofka heshiis la noqdaa bulshada inteeda kale” ayuu yiri Aqoon Yahan Shirwaac

Maryan Amiin  “Si dadka loo dareensiiyo ama ay u ogaadaan muhiimadda Dib-u-heshiisiinta waa in dadka la baraa Wadaniyadda, si gaar ah jiilka hadda soo karaya dhalinyarada iyadoo la adeegsanayaaa dhanka Waxbarashada” ayay tiri Maryan Amiin