Wasaaradda Arrimaha Gudaha oo soo gabagabeysay shirka Khariiradeynta Khilaafyada Degmooyinka Gobalka Banaadir “SAWIRRO”

Wasaaradda Arrimaha Gudaha, Federaalka iyo Dib-u-heshiisiinta ayaa maanta si wada jir ah Maamulka Gobolka Banaadir u soo xirtay kulan muddo saddex maalmood ah oo xogta khilaafyada ka jira 17 ka degmo iyo 3da deegaan ee Gobolka Banaadir looga aruurinayey 80 muwaadin oo laga soo xulay dhamaan degmooyinka iyo deegaanada Gobolka.

Kulankan Khariiradeynta khilaafyada Gobolka Banaadir oo soo xiray Agaasimaha Guud ee Wasaaradda Arrimaha Gudaha, Mudane Saciid Cabdullahi Calasow, ayey khuburo khatirsan Wasaaradda Arrimaha Gudaha ay maalintii koowaad sharaxaad ka bixiyeen baahida loo qabo xogtan iyo ahmiyadda ay u leedahay, Wasaaradda iyo Gobolka Banaadir.

Wasaaraddu waxay hoggaan ka ahayd xog ururinta khilaafyada ee dhamaan Dowlad-Goboleedyada si loo ogaado dhamaan khilaafyada dalka ka jira si loogu soo dabbaalo dalka dib-u-heshiisiin dhab ah iyo nabad waarta, iyadoo lagu salaynayo Tiirarka Hannaanka Dhab-u-heshiinta Qaran ee Wasaaraddu diyaarisay sanadkii 2019 ka.

 

LEAVE A REPLY

Please enter your comment!
Please enter your name here