Wasaaradda Arrimaha Gudaha XFS oo Qabatay kulan looga hadlayay Dardar galinta Howlaha horyaala

22

Kulankan ayaa looga hadlayay sidii loo dardarlin galin lahaa Shaqooyinka horyaala Wasaaradda Arrimaha Gudaha iyo Federaalka Xukuumadda Soomaaliya oo ay ka mid yihiin Hanaanka dib u Heshsiinta, Xaslinta, Doorashooyinka, Arrimaha gudaha iyo Federaalka iyo Fulinta Mashaariicyada, iyadoo kulanka uu daah furay Wasiirka Wasaaradda Arrimaha Gudaha Iyo Federaalka Xukuumadda Soomaaliya.

Agaasimaha Maamulka iyo Shaqaalaha ee Wasaaradda Arrimaha Gudaha & Federaalka XFS Nuur Axmed Diiriye ayaa sheegay in Ujeedada kulanka ay tahay wax iska weydiinta Howlaha horyaala Wasaaradda iyo Waxyaabihii u qabsoomay.

“Waa kulan howleed ku saabsan howlwadeena Wasaaradda inay isku arkaan loogana hadli doono waxqabadka Wasaaradda iyo Howlaha ay dooneyso inay hada qabato oo ka mid yihiin kuwa Federaalka, Dib u heshiisiinta, Doorashooyinka, barnaamijyada Odayaasha dhaqanka iyo howlo kale oo Wasaarada qabaneyso oo lagu falanqeynayo”.ayuu yiri Agaasimaha.

Wasiirka Wasaaradda Arrimaha Gudaha iyo Federaalka Xukuumadda Soomaaliya Mudane Cabdi Maxamed Sabriye ayaa ka sheegay kulanka in loo bahan yahay sidii loo fulin lahaa shaqooyinka iyo Waajibaadka Qaran ee horyaala Wasaaradda, wuxuuna soo jeediyay in la qiimeeyo sida lagu gaari karo Hadafyada ay hiigsaneyso Wasaaradda Arrimaha Gudaha.

Did you like this? Share it:

LEAVE A REPLY

Please enter your comment!
Please enter your name here