Wasaaradda Beeraha oo abuur daaweysan ku wareejisay maamulka Degmada Awdheegle “SAWIRRO”

Abuurkan oo ka kooban Galey cad iyo digir gaduud daaweysan tayo dhameystirana leh ayey Wasaaradda Beeraha Soomaaliya oo kaashaneysa shirkadda Siisad ( CSET ) iyo  mashruuca GEEL waxey ku wareejisay maamulka degmada Awdheegle ee Gobolka Shabeelaha Hoose si ay uga faa’iideystaan beeraleyda deegaanka oo uu saameyn weyn ku yeeshay fatahaadda webiga Shabeelle.

Maamulaha shirkadda abuurka ee CSET Dr Khaalid Cumar Cali ayaa sheegay in Beeraleyda ay faa’iido badan u leedahay abuurkan.

Guddoomiyaha degmada Awdheegle Cabdullaahi Cismaan Abuukar iyo Wasiir ku-xigeenka Beeraha Koonfur Galbeed Xasan Sayid Cali Cabdow ayaa si wadajir ah uga mahadceliyay abuurka lagu wareejiyay oo ay sheegeen in ay ka faa’iideysan doonaan Beeraleyda reer Awdheegle oo uu sameyn weyn ku yeeshay fatahaadda webiga Shabeelle.

Wasiirka Beeraha iyo Waraabka Soomaaliya Mudane Saciid Xuseen Ciid ayaa si qoto dheer  uga  hadlay Ahmiyadda abuurka uu u leeyahay beeraleyda Soomaaliyeed ee wajahaya xaalado adag oo isugu jira fatahaado, dhibaatada Ayaxa iyo saameynta safmarka COVID 19, isagoo dhanka kale tilmaamay inay xoogga saari doonaan sidii beeraleyda ay u heli lahaayeen abuur tayo leh.

LEAVE A REPLY

Please enter your comment!
Please enter your name here