Wasaaradda Boostada oo ka qaybgashay shir IGAD oo Nairobi ka dhacay

Agaasimaha Guud ee wasaaradda Boostada iyo Isgaarsiinta iyo saraakiil ka tirsan wasaaradda ayaa ka qaybgalay shir dawlad goboleedka IGAD ay u qabteen wasaaradaha Isgaarsiinta dalalka ka tirsan oo looga arinsanayay qorshaha Isgaarsiinta waddamada ku bahoobay urur goboleedka IGAD.

Waftigii kasocdey waddamada IGAD ayaa dhamaantood ka jeediyay warbixin ku saabsan hormarka iyo qorshaha Isgaarsiinta dalkooda iyadoo si wanaagsan looga dooday sidii wadajir ay waddamada IGAD isaga kaashan lahaayeen hormarinta iyo kala faa’iideysiga dhanka Isgaarsiinta.

Agaasimaha Guud ee wasaaradda Boostada iyo Isgaarsiinta Mudane Axmed Xaaji Cabdi oo khudbad dheerka jeediyay madasha ayaa marka koobaad uga mahadceliyay waddamada IGAD kaalinta muuqata ay ka geysanayaan nabadeynta dalka Soomaaliya.

Agaasimaha ayaa warbixin ka bixiyay xaaladda Isgaarsiinta dalka isagoo sheegey in xaaladda Soomaaliya marka la eego ay Isgaarsiinta dalku tahay mid gaartey hormar muuqda ayna tahay mid xor ah oo aysan dawladdu faragalin ku heynin iyo caburin . ” Isgaarsiinta Soomaaliya waxey mareysaa meel wanaagsan waxaana maanta Soomaaliya uu gaarayaa 57% inta heysata adeegga Telefoonda oo u dhiganta 6,200.000 (Lix Malyan iyo Laba boqol oo kun ruux)”.

Sidoo kale waxuu agaasimuhu sheegey in wasaaraddu ay diyaarisey xeerka Isgaarsiinta uuna horyaalla golaha Baarlamaanka. Agaasime Axmed ayaa ka codsadey waddamada IGAD iney qiimaha wicitaanka ee waddamada IGAD ay hoos u dhigaan gaar ahaan waddamada Jabuuti, Ethiopia, Koonfurta Suudaan iyoo Uganda oo uu sheegey iney Soomaali badan ku nool yihiin ayna ku adag tahay in eheladu is wacaan.

Waddamada sida wanaagsan loogu amaaney hormarka dhanka sharciyada iyo siyaasadda waddamada Kenya, Uganda iyo Suudaan meesha waddamada Jabuuti iyo Ethiopia iyaga lagu sheegey ineuusan suuqoodu u furneyn tartan. Waxaa shirka aad looga hadlay xaaladda Isgaarsiinta iyo amniga waddamada IGAD iyo baahida loo qabo in waddan walba leeyahay sharci haga Isgaarsiinta dalka.

Shirkan oo socday laba maalmood laguna soo badhigey warbixin laga soo aruuriyay dalalka IGAD ayaa maanta lagu soo gagabeeyay Hotel Hilton ee magaalada Nairobi.

LEAVE A REPLY

Please enter your comment!
Please enter your name here