Wasaaradda caafimaadka oo agab jiif ah gaarsiisay isbitaallo ku yaala Muqdisho

Wasiir ku-xigeenka Caafimaadka ee Xukuumadda Soomaaliya Mudane Cismaan Maxamed Cabdi Daalo ayaa maanta agab ay ku jiftaan bukaanada u qabiyay afar isbitaal oo ku yaala magaalada Muqdisho, kuwaasi oo kala ah Benaadir, Madiina, Keysaney, Deyniile iyo xarun caafimaad oo ku taala degmada Xamar Jajab, kana mid ah kuwa sida lacag la’anta ah ugu adeegyada caafimaad u siiya bulshada, iyadoo deeqdaan ay ka timid hay’ad ka shqeysay dhanka gargaarka oo laga leeyahay dalka Boqortooyada Sacuudiga.

Saacid Muhana oo ka mid ah mas’uuliyiinta hay’adda deeqda keentay ayaa tilmaamay inay joogteenayaan wax u qabashada shacabka Soomaaliyeed.

Wasiir ku-xigeenka Caafimaadka ee Xukuumadda Soomaaliya Mudane Cismaan Maxamed Cabdi Daalo oo ka hadlay goobta ayaa sheegay in deeqdan ay tahay mid ay baahi weyn u qabeen isbitaalada magaalada Muqdisho qaarkood, isagoo dowladda boqortooyada sacuudiga uga mahadceliyay sida ay marwaliba u garab taagantahay Ummadda Soomaaliyeed

Kaalmadaan la gaarsiiyay qaarka mid ah isbitaallada Muqdisho ayaa waxa weyn ka tari donto adeegyada caafimaad ee ay u hayaan bulshada, taasi oo dhiiri gelin u ah howlaha ay hayaan.

 

LEAVE A REPLY

Please enter your comment!
Please enter your name here