Wasaaradda Caafimaadka oo deeq dawo ah gaarsiisay Isbitalka dhexe ee Cadaado-Sawirro

0
1670

 

Deeqdan Dawada ah oo gaaraysa ilaa 160-kartoon oo nuucyo kala duwan ah ayaa Wasiiradda caafimaadka dawlada Federaalka ah ee Soomaaliya Xaawo Xasan Maxamed waxa ay ku wareejisay maamulka Isbitalka dhexe ee degmada Cadaado, iyadoo ay goob joog ka ahaayeen wasiirka arrimaha bulshada Ximan iyo Xeeb, iyo xoghayaha caafimaadka maamulkaas.

Agaasimaha guud ee Isbitalka Dr Maxamed Cumar Yuusuf ayaa sheegay in dawadan ay  ku soo aaday waqti Isbitalka dawa yari ka jirtay, isagoo xusay in 25-sano ka dib Xaawa ay noqotay wasiiraddii caafimaadka ee Isbitalkan kaalmo keenta.

Dr Maxamed ayaa intaa ku daray in deeqdan dawada ah ay kaga farxad badantahay dawooyinkii ay ka heli jireen Hay’adaha marka la eego xagga tayada iyo tiradaba.

Wasiirka arrimaha bulshada Ximan iyo Xeeb Cumar Maxamed Diiriye ayaa ka mahadceliyay kaalmada dawada ah ee maanta wasaaradda caafimaadku soo gaarsiisay, waxaana u sheegay in kaalmadan ay wax ka taridoonto baahiyaha caafimaadka deegaanka.

Wasiirada caafimaadka ayaa kormeertay qaybaha uu ka koobanyahay Isbitalka Cadaado, sida qaybaha bukaan jiifka, Qaybaha Carruurta iyo Haweenka, iyadoo sheegtay in wasaaraddu ay wado qoryaal lagu hormarinayo adeegga caafimaadka gobolada dalka.

Wasiiradda caafimaadka Xaawo Xasan Maxamed ayaa shalay gaartay magaalada Cadaado ee gobolka Galgaduud.

DSC08242 DSC08251 DSC08256 DSC08257 DSC08258 DSC08260 DSC08264 DSC08265 DSC08267 DSC08272 DSC08273 DSC08275 DSC08279 DSC08280 DSC08281 DSC08282 DSC08283 DSC08284

W/D: Maxamuud Cabdi Diirshe

 

Did you like this? Share it:

LEAVE A REPLY

Please enter your comment!
Please enter your name here